Elbasy olardyń qaıǵysyna ortaq ekenin bildirdi jáne agenttik Bas dırektorynyń jubaıy Iýkıka Amano men inisi Marı Amanoǵa Iаdrolyq qarýsyz álem jáne jahandyq qaýipsizdik úshin Nazarbaev syılyǵymen marapattaý rásimine qatysqany úshin alǵysyn bildirdi. Bul týraly Elbasy.kz habarlady.
- Endigi jerde Amano myrza úshin bar isteı alatynymyz – óz júregimizde ol týraly estelikti saqtaý. Bul syılyqty alý úshin Sizderdiń kelgenderińiz úshin alǵysym sheksiz, - dedi Qazaqstannyń Tuńǵysh Prezıdenti.
О́z kezeginde Iýkıka Amano o dúnıelik bolǵan jubaıynyń qyzmetin joǵary baǵalaǵany jáne osyndaı marapat úshin rızashylyǵyn aıtty.
- Búgin Sizdiń qolyńyzdan osyndaı joǵary nagradany aldym. Bul men úshin joǵary mártebe. Búgingi saltanatty rásimge joldasymnyń ózi qatysqysy kelgen edi. Qazaqstanmen jáne jeke Sizben jumys isteıtinin maqtan etip, jıi aıtatyn, - dedi Iý. Amano.