N. Bekejanov atyndaǵy Qyzylorda oblystyq mýzykalyq-drama teatrynda Konstıtýsııa kúnine arnalǵan saltanatty jıyn ótti. Oblys ákimi Qýanyshbek Ysqaqov qyzylordalyqtardy merekemen quttyqtady.
"Konstıtýsııanyń ózekti erejelerine súıene otyryp, Qazaqstan Respýblıkasynyń Tuńǵysh Prezıdenti - Elbasy Nursultan Ábishuly Nazarbaevtyń syndarly saıasatymen el taǵdyry úshin ómirlik mańyzy bar jańarýlar júrgizildi. Búgingi kúni Memleket basshysy Qasym-Jomart Kemeluly Toqaevtyń bastamasymen Táýelsiz elimiz jańasha qadamǵa jol ashyp keledi. Ata Zańnyń aıasynda halyqtyń ál-aýqatyn arttyrýǵa qarqyndy jumystar qolǵa alyndy. Turmysy tómen, áleýmettik jaǵynan az qamtylǵan azamattar men otbasylar úshin ataýly áleýmettik kómekter berilip, turǵyn úılermen qamtamasyz etilýde. Joǵary jáne kásibı orta bilim alam degen jastarymyz úshin jol ashylyp, granttardyń túri kóbeıýde. Ustazdardyń eńbekaqysy kezeń-kezeńimen tórt jyl ishinde eki ese ósedi. Bir sózben aıtqanda, Konstıtýsııa Táýelsizdigimizdiń kepili retinde birligimizdi bekemdep, ekonomıkamyzdy nyǵaıtýda, áleýmettiń áleýetin arttyrýda berik tutqaǵa aınaldy", - dedi aımaq basshysy.
Is-shara merekelik konsertke jalǵasty.