Ál-Farabıdiń 1150 jyldyq, Abaı Qunanbaıulynyń 175 jyldyq mereıtoılarynda ysyrapshyldyqqa jol bermeı, ǵulama tulǵalarymyzdyń eńbekterin halyq arasynda dáripteýimiz kerek. Bul týraly Prezıdent búgingi «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Qazaqstan halqyna alǵashqy Joldaýynda aıtty.
«Keler jyly atalyp ótetin mańyzdy mereıtoılar men eleýli oqıǵalarǵa daıyndyq jumystary bastaldy.Endigi jyly bárimiz Ál-Farabıdiń 1150 jyldyq, Abaı Qunanbaıulynyń 175 jyldyq mereıtoılaryn atap ótemiz.Mereıtoı barysynda ysyrapshyldyqqa jol bermeı, ǵulama tulǵalarymyzdyń eńbekterin halyq arasynda dáripteýimiz kerek», dep atap ótti Memleket basshysy.
Q. Toqaev Táýelsizdiktiń otyz jyldyǵyna baılanysty is-sharalarǵa toqtaldy.
«Sondaı-aq, eń mańyzdy merekege – Táýelsizdiktiń otyz jyldyǵyna baılanysty tıisti is-sharalardy iske asyrýymyz qajet. El ómirindegi osyndaı eleýli oqıǵalar jas urpaqty naǵyz otanshyldyqqa tárbıeleýge jol ashady dep senemin», dedi Prezıdent.