Qostanaı oblysynyń polıseıleri latyn qarpinde qazaq tilin oqytý kýrsynan ótti dep habarlaıdy oblystyq PD Baspasóz qyzmetinen.
24 maýsym men 29 tamyz aralyǵynda Tilderdi oqytý ortalyǵynda PD qyzmetkerleri latyn qarpin úırendi. 47 tártip saqshysy latyn grafıkasy kýrsyn sátti aıaqtaǵany týraly sertıfıkat aldy.
Oblystyq PD ishki jáne syrtqy kommýnıkasııalar bóliminiń qyzmetkeri Ásiman Túgelbaevanyń aıtýynsha, barlyq bilim alýshylar bes topqa bólinip, aptasyna 3 ret bilim alǵan.
- Endi biz óz bilimderimizdi jumysta qoldanatyn bolamyz. Qazir latyn qarpi barlyq salada qarqyn alyp keledi, - deıdi Á.Túgelbaeva.
Oqý kýrstarynan keıin bilim alshýylarǵa latyn grafıkasynyń negizgi erejelerimen kitapshalar úlestirildi.
Eske sala keteıik, Elbasy N.Nazarbaev 2018 jylǵy 27 qazanda "Qazaq tili álipbıin kırıllısadan latyn grafıkasyna kóshirý týraly" Jarlyqqa qol qoıdy.