5-30 qyrkúıek aralyǵynda Nur-Sultan qalasynda HHI qalalyq «Til festıvali» ótedi. Festıval sheńberinde qazaq tilin damytýǵa baǵyttalǵan túrli sharalar uıymdastyrylady, dep habarlaıdy elorda ákimdiginiń resmı saıty.
Dástúrli til festıvaliniń maqsaty - til mádenıeti, til tazalyǵy, til úılesiminiń túıindi taqyryptary men tálimdik máselelerin saralaý.
Festıval aıasynda erteń «Memlekettik til – ult tiregi» atty dóńgelek ústeli ótedi. Sharaǵa qazaqtyń belgili qalamgeri, ǵalym Qaıyrbek Kemeńger, Qazaqstan halyq aqyny Qonysbaı Ábil, QR sýretshiler odaǵynyń múshesi Almas Syrǵabaı jáne ózge de zııaly qaýym ókilderi ashyp, festıval aıasynda ulttyq uıysý men halyqtar dostyǵyn nyǵaıtýdaǵy qazaq tiliniń tuǵyry týraly pikirlerin ortaǵa salady.
Aıta keteıik, til festıvali aıasynda Nur-Sultanda «Meniń tilim – Uly dala rýhy» merekelik keshi, «Azat elge amanat – týǵan tilim» jas aqyndar músháırasy, «Rýhtime» tulǵa-tanymdyq jobasy, «Uly dala esimderi: Ult kósemderi men rýhanı batyrlar» «Eltanym» rýhanı-tanymdyq kóshpeli dárisi, «Qazaq tilin oqytý ádistemesi: bolashaǵy jáne ózekti máseleleri» ǵylymı-tájirıbelik konferensııasy uıymdastyrylady. Buǵan qosa, qaladaǵy balabaqsha men mektepterde de til mádenıetin arttyryp, balalardyń ana tiline qurmetin kúsheıtý maqsatynda túrli is-sharalar ótkizý josparlanyp otyr.