«Búgin Memleket basshysynyń Joldaýyn júzege asyrý boıynsha ótken qala aktıviniń otyrysynda Almaty ákimi Baqytjan Saǵyntaev memlekettiń negizgi mindeti - azamattardyń barlyq konstrýktıvti saýaldaryna jedel ári naqtyly jaýap berý ekenin atap ótti», dep habarlaıdy Almaty qalasy ákimdigi baspasóz qyzmeti
«Biz qazirdiń ózinde «tyńdaı alatyn memleket» konsepsııasyn iske asyrýdy bastadyq. Barlyq basqarma basshylary men aýdandar ákimderi áleýmettik jelilerde akkaýnttar ashty, osy arqyly olar almatylyqtardan tikeleı «keri baılanysty» qabyldaı alady», dedi Baqytjan Saǵyntaev.
Budan ózge, basqarmalar men aýdan ákimdikterinde «Ashyq esikter kúnderi» ótýde.
Ákimniń sózi boıynsha olar ár apta saıyn ótetin bolady.
«Adamdardy sapaly jaýaptar tolǵandyrady. Qaıtadan ótinish berilmeıtindeı etip, barynsha naqtyly jaýap berý ári túsindirý qajet. Nazar aýdarylmaǵan árbir ótinish úshin birinshi basshylar jeke jaýapqa tartylady. Kadrlyq sheshimder eń aldymen olardyń turǵyndarmen jumysynyń baǵasyna qatysty qabyldanady», dep atap ótti Almaty qalasynyń ákimi.
Sonymen qatar, jaqyn arada beıbit jıyndar ótetin oryndar anyqtalady jáne BAQ betterinde jarııalanatyn bolady.
ALMATY