Almatyda 800-ge jýyq turǵyny emhanaǵa múldem tirkelmegeni de osy aksııa barysynda belgili boldy.
«Bul bir aı qalada júrgizilgen «Densaýlyq aılyǵy» aksııasy aıasyndaǵy mobıldi toptardyń jumys isteýi nátıjesinde anyqtalǵany ǵana», dep habarlaıdy Almaty qalasy ákimdigi baspasóz qyzmeti.
Osy aralyqta 18 myńǵa jýyq azamat densaýlyǵyn tegin tekseristen ótkizýge múmkindik aldy. Jyljymaly keshender turǵyndardy qaraý úshin qondyrǵylarmen jabdyqtalǵan. Terapevter, pedıatorlar, kardıologtar, stomatolog jáne basqa da bilikti dárigerler qabyldaý júrgizdi. Endi ár toqsan saıyn osyndaı jyljymaly medısınalyq pýnkter jumys istep, ýaqyty joq turǵyndarǵa ózderi barmaq.
«8 aýdanda bas-aıaǵy 61 núkte jumys istedi. Jyljymaly medısınalyq pýnkter qoǵam kóp júretin saýda ortalyqtary men bazarlar da, tipti saıajaılarda júrgizildi. Nátıjesinde, múldem medısınalyq tekseristen ótpegen 5 myń 480 adam alǵash ret óz densaýlyqtaryn teksertip kórdi.Al 2 myń 893 pasıent dıspanserlik tizimge turǵyzyldy. 4 myń 411 azamattyń densaýlyǵynda eshqandaı naýqas belgileri anyqtalmady», deıdi Almaty qalasy qoǵamdyq Densaýlyq saqtaý basqarmasynyń basshysy Qanat Tósekbaev.