Keshe Májiliste “Memlekettik til – el birliginiń kepili” atty ǵylymı-praktıkalyq konferensııaǵa kelgen qonaqtardyń qatysýymen Naýryz meıramyna oraı saltanatty shara uıymdastyryldy. Parlament Májilisiniń Tóraǵasy Oral Muhamedjanov quttyqtaý sóz sóıledi, dep habarlady osy palatanyń baspasóz qyzmeti.
Armysyzdar, ardaqty aǵaıyn, qurmetti áriptester, qadirli qonaqtar! Mine, áz-Naýryz da kelip qaldy. Búkil tabıǵat jańaryp, Jer-Ana uzaq uıqysynan oıanyp, býsanyp, kóktem tynysy sezilýde. Naýryz elimizge úlken qýanysh ákelýde. Naýryz – jyl basy. О́tken jyl elimiz úshin tabyssyz bolǵan joq. Álemdik qarjy daǵdarysynyń keıbir áserin sezinsek te, Qazaqstannyń ekonomıkasy, áleýmettik salasy el Prezıdentiniń kóregendik saıasatymen, jedel qolǵa alǵan sheshimderiniń arqasynda qınalmaı ótip keledi, dedi Tóraǵa.
Májilis Tóraǵasy sóziniń sońynda bylaı dedi: Naýryz qutty bolsyn! Ár shańyraqta yryzdyq, bereke bolsyn. Eń bastysy, elimizdi yntymaǵynan aıyrmasyn! Naýryzda aıtylar izgi tilekter qabyl bolsyn! Elimiz órleı bersin!”
Halyqaralyq “Qazaq tili” qoǵamynyń prezıdenti О́mirzaq Aıtbaev jınalǵandardy Naýryz meıramymen quttyqtap: “Elimizden bereke, halqymyzdyń mańdaıynan baq ketpesin! Memlekettik til dep, el dep júrgen keremet jandarsyzdar. Bárińiz de baqytty bolyńyzdar! Jandaryńyzdy eshqashan muń baspasyn!” dep tilegin jetkize kelip, halyqtyń “Eki jıren” ánin oryndap berdi.
Merekege jınalǵan qaýymǵa Prezıdenttik Mádenıet ortalyǵy ulttyq dástúrler teatrynyń ansambli kúıden shashý shashty. Osy ujymnyń ánshileri Gúlmıra Sarına, Perızat Turarova jáne Gúlzıra Bókeıhanqyzy áýelete án shyrqady.
Naýryz meıramyna oraı qonaqtarǵa naýryz kóje berilip, ulttyq taǵamdardan dám usynyldy.