Jalpy, qaladaǵy jaryqtandyrý jumystary 2026 jyly aıaqtalady. Naýryzbaı jáne Alataý aýdandarynda kóshe shamdary qoıyldy. Sońǵy eki aıda bul aýdandarda ornatylǵan jaryq shamdarynyń sany 15-ke jetken dep habarlaıdy Almaty qalasy ákimdigi baspasóz qyzmeti.
Alty Alash yqshamaýdanynyń 11 kóshesinde syrtqy jaryqtandyrý jumystary júrgizilse, qazirgi tańda Qalqaman yqshamaýdanyndaǵy 12 kóshege túngi shamdar qoıylyp jatyr. Naýryzbaı aýdanynyń ákimdigi aldaǵy 3 jyldyń ishinde qalǵan 245 kósheni tolyǵymen jaryqtandyramyz dedi. Jyl basynan beri Almatyda 140 shaqyrym syrtqy jaryqtandyrý jelisiniń qurylysy aıaqtaldy. Alataý, Áýezov, Jetisý, Medeý jáne Naýryzbaı aýdandarynyń aýmaqtarynda LED-shamdar ornatyldy.
«Alataý aýdanynda jalpy 730 kóshe bar. Onyń 262-i jaryqpen tolyq qamtamasyz etilgen. 2019 jylǵa Alataý aýdany boıynsha 65 kóshege kóshe jaryqshamdary ornatylady degen josparymyz bar. Qazirgi ýaqytta aqshasy bólinip qoıdy. Naqty Áıgerim yqshamaýdany boıynsha 23 kóshege kóshe jaryqtary ornatylatyn bolady», dedi Almaty qalasy Alataý aýdany kóriktendirý bóliminiń bas mamany Nursultan Myrzataı.
Qala ákimi Baqytjan Saǵyntaev turǵyndar tarapynan aıtylǵan máselelerdiń oń sheshim tabýyn turaqty qadaǵalap, basty nazarda ustaıdy.
ALMATY