Bul týraly Syrtqy Ister mınıstrliginiń baspasóz qyzmeti habarlady.
17 qyrkúıekte BUU-nyń jol qaýipsizdigi jónindegi arnaıy ókili Jan Todtyń Almaty qalasyna sapary ótti. Sapar barysynda ol BUU-nyń jańa ǵımaratyn aralady jáne bul BUU ókiliniń jańa ǵımaratqa osyndaı dárejedegi alǵashqy kelýi bolyp tabylady. Ǵımaratty aralaý barysynda BUU-nyń arnaıy ókili Qazaqstan Respýblıkasynyń jańa ǵımarat negizinde BUU О́ńirlik habyn qurý týraly bastamasymen tanystyryldy jáne osy bastamany ol oń qabyldady.
Onyń pikirinshe, Qazaqstan uıymnyń mańyzdy seriktesi bolyp tabylady jáne jol qaýipsizdigin jaqsartý maqsatynda jahandyq seriktestikti damytýǵa kúsh salady. Sondaı-aq, Qazaqstan ornyqty damý maqsattarynnyń iske asyrýyn tek óziniń elinde ǵana emes, sonymen birge Ortalyq Azııa óńirine de nazar aýdarady.
BUU ǵımaratynan keıin J.Todt Almaty qalasynyń ákimi Baqytjan Saǵyntaevpen, sodan keıin №90 orta mekteptiń negizindegi orta bilim ókilderimen kezdesti.