Ejelden kartop ósirýmen dańqy shyqqan Narynqol óńiriniń sharýalary bıyl da tabysqa kenelýde. Jeke aýdan bolyp qurylǵanyna jyldan asa ýaqyt bolsa da, Raıymbek óńirinde osy kartap egistiginiń kólemi 10 esege ósipti. Bul jergilikti jurttyń jappaı jer emip, nesibesin eńbekten tabýǵa jumylǵanyn kórsetedi. Qazir aýyldaǵy aǵaıyn kartop egistiginiń kólemin 700 gektarǵa ulǵaıtyp, jınalatyn ónimdi 380 sentnerge deıin jetkizip otyr.
Raıymbek aýdandyq aýyl sharýashylyǵy bóliminiń basshysy Nurlan Oralqulovtyń aıtýynsha, bıyl aýdanda kartop 6 myń gektarǵa sebilip, odan 123 myń tonna ónim alý josparlanyp otyr. Byltyr oblystyq ákimdik kómegimen 240 tonna gollandııalyq «Sante» jáne «Agrııa» sorttary satyp alynǵan, sol sorttardyń tuqymdary byltyr 70 gektarǵa sebilse, bıyl bul kórsetkish 10 esege ósip, 700 gektarǵa jetkizildi. Jańa tuqymnyń, jańa tehnologııanyń arqasynda ónimdilik te artty. Buryn ár gektarynan 170-180 sentnerden kartop alynatyn bolsa, qazir bul kórsetkish 380 sentnerge jetken.
Kartop ósirýdiń tabysty bolýyna aýdandaǵy servıstik daıyndaý ortalyqtarynyń kóp kómegi tıip otyr eken. Sonyń biri Tekes aýylyndaǵy servıstik daıyndaý ortalyǵy. О́tken jyly oblys bıýdjetinen kartop óndirisin damytý úshin arnaıy ortalyq quryp, tehnıka alýǵa 500 mln teńge bólingen bolatyn. Sol kómektiń arqasynda 3 SDO jasaqtalyp, 458 mln teńgege jalpy sany 87 birlik tehnıka satyp alynǵan, sonyń ishinde 21 traktor, 5 kombaın bar. Qalǵan somaǵa aldaǵy ýaqytta tehnıkalar taǵy da tolyqtyrylatyn bolady.
Kartoptan mol ónim alýǵa aýdandaǵy «О́rken» jáne «Mıras» sharýa qojalyqtary qol jetkizip otyr. Qazir sharýlar daıyn ónimdi ótkizýdiń joldaryn qarastyrýda. «О́rken» sharýa qojalyǵnyń basshysy Talǵat Núsipqojaevtyń aıtýynsha, «Sante» sortyn óńdeýge chıpsy shyǵaratyn kásiporynmen kelissózder júrgizilýde. Sonymen birge osy aýdanda kartopty óńdep, krahmal daıyndaıtyn zaýyt ashýǵa usynys túskeni jáne ony júzege asyrýdyń múmkindikteri qarastyrylyp jatqany aıtady. Iаǵnı, shıkizatty mol ári sapaly óndiretin aımaqtyq óńdeýshiler ózderi izdep keletin kúnge jetip qalǵanymyz anyq.
- Jańa aýdandaǵy jumys qarqyndy. Halyqqa qyzmet kórsetetin túrli mekemeler salynyp, bar ǵımarattardy qaıta jańǵyrtyp, jańalap jatyrmyz. Narynqol aýylyn kógaldandyrýǵa, joldardy jóndeýge, kósheni jaryqtandyrýǵa, balalardyń oıyn alańdary men sporttyq alańdaryn salýǵa, turǵyn úılerdiń aýlalaryn kórkeıtýge, qaı jaǵynan bolsyn aýdan azamattary, oblystyń árbir aýdan, qalasy óz úlesterin qosýda. Narynqol óńiriniń, ásirese, aýyl sharýashylyǵyndaǵy múmkindigi kóp. Raıymbek aýdanyna kartopty óndiristik masshtabta ósirýge jasaǵan memleket qoldaýy óz nátıjesin berip otyr. Jas mamandar týǵan jerge oralýda. Tehnıkalar jańardy, tolyqty. Oblys boıynsha ırrıgasııalyq júıelerdi qalpyna keltirý jumysyna kiristik. Sonyń nátıjesinde bir ǵana Raıymbek aýdanynyń ózinde 6 myń gektar jer qalpyna keltiriledi. Iаǵnı kartop óndirisin odan ári damytýǵa múmkindik molaıady degen sóz. Biz óz tarapymyzdan aýyldyń eńbekker halqyna qoldaý kórsetip, aýyl sharýashylyǵyn órkendetýdi jalǵastyratyn bolamyz,- deıdi oblys ákimi Amandyq Batalov.
Almaty oblysy