Atajurt tórindegi kezdesý

Kezdesý barysynda Akade­mııa basshysy D.Qydyráli halyqaralyq qury­lymnyń atqaryp jatqan ju­mys­tary men aldaǵy jospar­lary ja­ıyn­da baıan­dap, uıym­nyń túrki tildes elderdiń ǵyly­mı-gýmanıtarlyq baılanysyn nyǵaıtýdaǵy maqsat-múd­desi jaıly aıtyp berdi. Sony­men qatar uıym basshysy óz sózinde bıyl Nahchıvan kelisiminiń n­átıjesinde Túrki keńesiniń qu­­ryl­ǵanyna 10 jyl tolǵanyn atap óte otyryp, Elbasy Nursul­­tan Nazarbaevtyń túrki til­des mem­leketter arasyndaǵy ınte­gra­sııany tereńdetýdegi aı­ryq­sha eńbegine toqtaldy.

О́z kezeginde Túrkııa Uly Ult­­tyq májilisiniń tóraǵasy Mus­tafa Shentop Anadolyny me­ken etken baýyrlardyń Or­ta­­lyq Azııany, sonyń ishinde Qazaq­standy atajurt sanaıty­nyn, mun­daǵy ár jetistikke túrik halqynyń súı­sinetindigin atap ótti. Mustafa Shentop óz sózinde Túrki keńesi aıasyn­da qurylǵan uıymdardyń tabys­ty jumys istep jatqanyn aıta kele, túrki yntymaqtastyǵyna Halyqaralyq Túrki akade­mııa­­­synyń zor úles qosyp otyr­ǵa­nyna toqtaldy. «Uly dala – biz­diń atajurtymyz. Bul ól­ke­den túrki-ıslam áleminiń uly ǵalymdary Ábý Nasyr ál-Fa­ra­bı, Ábý Raıhan ál-Bırýnı, Ulyq­bek tárizdi tulǵalar shyq­qan. Dinimizge eńbek sińirgen uly ǵalymdar da osy aımaqta týyp-ósti. Kúlli túrkiniń rýhanı ustazy Qoja Ahmet Iаsaýıdiń de atajurtymyzdan shyqqany barshaǵa málim. Sondyqtan bizge bul ólke ystyq, janymyzǵa ja­qyn», deı kele túrkııalyq meıman túrki tildes elderdiń basshy­lary alǵash ret 1992 jyly bas qosqanyn, 2009 jyldyń qaza­nyn­da Ázerbaıjannyń Nahchı­van qalasynda ótken sammıtke deıin 9 ret jınalǵanyn aıtty. «Nahchıvan sammıtiniń nátı­jesinde Túrki keńesi qury­lyp, Túrki akademııasy, Túrki má­denıeti jáne mıras qory, Túrki keńesi Aqsaqaldar keńesi tárizdi qurylymdar dúnıege keldi. Nahchıvan kelisimi tarıhı sheshim boldy. Baýyrlas halyqtardyń arasyndaǵy yntymaqtastyqtyń tereńdeı túsýine túrki dúnıe­siniń aqsaqaly Nursultan Nazarbaevtyń sińirgen eńbegi erekshe», dedi Mustafa Shentop.

 Al Ázerbaıjan Ulttyq májilisi­niń tóraǵasy Oktaı Asadov Túrki aka­demııasynyń ju­mysyna rızashylyǵyn bildi­rip, jaqynda ǵana Túrki keńe­siniń quramyna О́zbekstan Res­pýb­lıkasynyń da qosylǵanyna qýanatynyn jetkizdi. Sony­men qatar táýelsiz alty túrki mem­leketin osynaý uıym quramynan kórgisi keletinin aıtqan már­te­beli meıman «Túrikmenstan da bizdiń qatarymyzǵa qosylatyn kúndi kóretin shyǵarmyz dep úmit­tenemin. Biz judyryqtaı ju­my­lyp, altaýymyzdyń bere­kemiz jarasqanda ǵana qýat­tymyz», – dedi.

Kezdesýde meımandar túr­ki ın­te­grasııasynyń máde­nı-gýma­nıtarlyq, saıası-ekono­mı­kalyq jaı-japsary jaıly pikir almasyp, osy kúnge deıin atqarylǵan isterdiń baýyr­las halyqtardyń yntymaǵyn art­tyrýǵa erekshe yqpal eteti­nine senim bildirdi. Jıynda sóz alǵan Túrki keńesi Aqsa­qal­dar keńesiniń múshesi Ádil Ahmetov túrki tarıhyn túgen­deýde Halyqaralyq Túrki aka­demııasynyń sińirgen eńbegi zor ekenin aıta kele, «Bizdiń tarıhty kúni búginge deıin ózgeler jazyp keldi. О́z tarıhymyzdy ózimiz jazatyn kez keldi. Túrki juraǵatynyń izi jahannyń kez kelgen qıyrynda saırap jatyr», dedi.

Shara barysynda qonaq­tar Túrki akademııasy kitapha­nasymen tanysyp, «Túrki mýzeıin» aralady.