«Ortalyq – 2019» strategııalyq komandalyq-shtabtyq oqý-jattyǵýdyń belsendi fazasy bastaldy. Oqý-jattyǵýǵa Qazaqstan, Qytaı, Qyrǵyzstan, Pákistan, Reseı, Tájikstan, О́zbekstan, Úndistan elderiniń áskerı qyzmetshileri, 20 myń birlikten astam áskerı tehnıka men qarý-jaraq, 600 shamasynda ushqyshsyz ushý apparaty tartylǵan, dep habarlady Qorǵanys mınıstrliginiń baspasóz qyzmeti.
Oqý-jattyǵý brondy transporterler, jaıaý ásker jaýyngerlik mashınalary, tankiler, joıǵyshtar, áskerı-kólik ushaqtary, jaýyngerlik tikushaqtar, taktıkalyq zymyran keshenderi jáne artıllerııalyq qarý-jaraqtar qoldanyldy. Sonymen qatar áskerı túrler, arnaıy áskerlerdiń, materıaldy-tehnıkalyq jáne medısınalyq qamtamasyz etý bólimsheleri tartyldy. Oqý-jattyǵý barysynda zamanaýı áskerı qaqtyǵystardaǵy tájirıbeni eskere otyryp, urysty bastaýdyń jańa túrleri men tásilderi qoldanyldy.
Belsendi fazanyń sharyqtaý shegi bólimsheler negizgi oqý-jaýyngerlik tapsyrmalardy oryndaǵan kezde júzege asty. Halyqaralyq formatta áskerı kontıngentter birneshe taktıkalyq epızodtardy oryndady. Olar: barlaý-oq atý jáne barlaý-soqqy berý áreketteri; bastyrmaly oq atýmen zaqymdaýdy júrgizý; shabýylǵa kóshkende basyp alynǵan shepti ustap turý; taktıkalyq jáne jedel desanttardy túsirý.
Bólimsheler zańsyz áskerı qurylymdarǵa shabýyldaý boıynsha birlesken is-qımyldardy pysyqtady. Áskerlerdiń tájirıbelik áreketterin Reseı jáne Qyrǵyzstan prezıdentteri, sondaı-aq Qazaqstan, Qytaı, Qyrǵyzstan, Reseı, Tájikstan jáne О́zbekstan elderiniń qorǵanys vedomstvo basshylary baqylady. Halyqaralyq oqý-jattyǵýdyń nátıjesi boıynsha erekshelengen áskerı qyzmetshilerdi medaldarmen marapattady.