«Almatynyń Bostandyq aýdanyndaǵy 13 balalar alańqaıynyń abattandyrý jumysyn kásipkerler jasap bergen. Jyl sońyna deıin taǵy da 20 alańnyń kórki kirmek» dep habarlaıdy Almaty qalasy ákimdiginiń baspasóz qyzmeti.
Bostandyq aýdanynyń turǵyndary ózderin alańdatqan máselelerdi qala ákimi Baqytjan Saǵyntaev bir aı buryn kezdesýde aıtqan edi. Qoıylǵan 117 suraqtyń 18,6 paıyzy sheshimin taýypty. Al 89 suraqtyń jaýaby tikeleı qalalyq basqarmanyń sharýasy eken. Al sońǵy segiz aıda aýdanda josparlanǵan jumystyń 60 paıyzy oryndalypty.
Sondaı-aq iskerlerdiń kómegimen 270-ke jýyq kópbalaly otbasy úshin qaıyrymdylyq aksııasy ótken.
«Bıyl 8 aıda aýdan boıynsha bıýdjetke 285 mıllıard teńge tústi. Josparlanǵan jumystar 63 paıyzǵa oryndalǵan jáne onyń júzege asýyna respýblıkadan 201 mıllıard, al jergilikti aýdannan 83 mıllıard teńge bólingen. Aýdanda 5 iri jáne orta ónerkásip kásiporny belsendi jumys isteıdi. Osy ýaqyt aralyǵynda 34 úıdiń shatyry jóndelip, 22 kópqabatty turǵyn úıdiń 45 lıftisin aýystyrý jumystary aıaqtaldy», – deıdi Almaty qalasy Bostandyq aýdanynyń ákimi Altaı Rahymbetov.
ALMATY