Qazaqstan Premer-lıgasynyń kezekti týr oıynynda «Atyraýdyń» qaqpasyna eki gol soqqan «Astananyń» oıynshysy Marın Tomasov aıtýly klýb tarıhyndaǵy eń úzdik surmergender tiziminde úshinshi orynǵa kóterildi.
32 jastaǵy horvatııalyq jartylaı qorǵaýshy elordalyq komanda sapynda 2017 jyldan beri óner kórsetýde. Sol kezden beri Marın Tomasov 43 ret nysanany dál kózdedi. Osylaısha, ol úzdik úshtikti qorytyndylap otyr. Al birinshi jáne ekinshi oryndardy Patrık Tvýması men Tańat Nóserbaev ıelendi.
2013, 2014 jáne 2015-2018 jyldar aralyǵynda «Astananyń» quramynda oınaǵan 25 jastaǵy Gana shabýylshysy Tvýması dopty torda 69 márte týlatty. 31 jastaǵy Shymkent fýtbol mektebiniń túlegi Nóserbaev 2011-2016 jyldar aralyǵynda aıtýly klýbtyń jeıdesin kıip, 54 goldyń avtory atandy.