Joǵarǵy Sot Tóraǵasy Jaqyp Asanov óńir basshysy О́mirzaq Shókeevpen birge Nur Otan partııasy oblystyq fılıalynyń open space formatynda ashylǵan Qoǵamdyq qabyldaý keńsesiniń jumysymen tanysty. Bul týraly Túrkistan oblysy ákiminiń baspasóz qyzmeti habarlady.
Qala ortalyǵynda ornalasqan keńsede oblys turǵyndary elektrondy túrde aryz-shaǵymyn tirketip, tıisti jaýabyn ala alady. Qonaqtardy qoǵamdyq qabyldaý keńsesimen partııanyń oblystyq fılıaly Tóraǵasynyń birinshi orynbasary Beısen Tájibaev tanystyryp, atqarylyp jatqan jumystardy baıandady.
Nur Otan partııasynyń tóraǵasy Nursultan Nazarbaev Nur Otan partııasy Saıası Keńesiniń keńeıtilgen otyrysynda «Senim. Dıalog. Bolashaqqa nyq qadam» – Nur Otan partııasynyń 7 serpini» atty partııa jumysyn júıeli jańǵyrtý baǵdarlamasyn usynǵan bolatyn. Osy oraıda, Qoǵamdyq qabyldaý turǵyndardyń sheshimin tappaǵan máselelerin sheshýge atsalyspaq.
Aıta keteıik, mundaı formattaǵy qabyldaý oblys basshysy О́mirzaq Shókeevtiń bastamasymen Túrkistanda ashylyp otyr. On kúnniń ishinde Open Space formatynda ashylǵan qoǵamdyq qabyldaýǵa 184 azamat ótinish bildirgen. Sondaı-aq dál osy jerde aımaq basshysynyń ózi de halyqpen kezdesip, olardyń máselesin sheshýge yqpal etetin bolady.
Sondaı-aq QR Joǵary sot tóraǵasy oblys ákimi О́mirzaq Estaıulynyń bastamasymen ashylǵan Túrkistan oblysynyń aımaǵyn damytý Jobalyq keńsesiniń jumysymen tanysty. Jobalyq Keńse búginde 2 myńnan astam jobany iske asyrýda. Zamanaýı jobalyq tásilderdi praktıkada qoldana otyryp, memlekettik basqarý júıesine engizý de Jobalyq Keńseniń basty mindeti. Mundaǵy jumys barysymen tanysqan elimizdiń bas sýdıasy dál osyndaı ortalyqtardyń sanyn arttyryp, aldaǵy ýaqytta jastardy kóbirek joba jasaýǵa tartý kerek ekenin aıta ótti.
Sonymen qatar joǵarǵy sot tóraǵasy Jaqyp Asanov Túrkistan oblysynyń ákimi О́mirzaq Shókeevpen birge oblystyq sot ǵımaratynyń irgetasyn qalady. Josparǵa sáıkes, jobanyń qurylysy 2021 jyly tolyq aıaqtalmaq.