Atyraý qalasynda «Atyrau Jastar Fest» festıvalinde MMA boıynsha tórt kún boıy ártúrli jarystar uıymdastyryldy. Týrnırdi Mádenıet jáne sport mınıstrligi, Atyraý qalasynyń ákimdigi uıymdastyrdy. Bul týraly mınıstrliktiń baspasóz qyzmeti habarlady.
Festıvalge UFC chempıony Habıb Nýrmagomedov, UFC sarbazdary Zýbaıra Týhýgov jáne Islam Mahachev qatysty. Sondaı-aq Reseıdiń eńbek sińirgen jattyqtyrýshysy Abdýlmanap Nýrmagomedov (Habıb Nýrmagomedovtiń jattyqtyrýshysy) jas sportshylarǵa sheberlik saǵatyn ótkizdi.
Atyraý oblysy ákimdigi men mesenat Ibragım Aqdrashevtyń qoldaýymen veloortalyq ashyldy.
Bokstan bıylǵy álem chempıony Bekzat Nurdáýletov, bokstan jasóspirimder arasyndaǵy Olımpıada oıyndarynyń chempıony jáne bokstan bıylǵy Álem chempıonatynyń júldegeri Abylaıhan Júsipov, QR MSM Sport jáne dene shynyqtyrý isteri komıtetiniń tóraǵasy, 2012 jylǵy Olımpıada oıyndarynyń chempıony Serik Sápıev jastarmen kezdesti.
Sondaı-aq osy shara aıasynda Atyraý qalasynda kópten kútken GFC-17 jáne Qazaqstannyń Jaýyngerlik óner Assosıasııasy uıymdastyrǵan «Jayynger» promoýsheniniń týrnıri ótti. Kesh qonaǵy Abdýlmanap Nýrmagomedov pen Habıb Nýrmagomedov boldy. Uıymdastyrýshylar Atyraý jerindegi keshtiń tartysqa toly ótkenin jáne aldaǵy ýaqytta Qazaqstannyń basqa da qalalarynda jekpe-jek keshterin uıymdastyrýdy josparlap otyrǵandaryn aıtty.
- Mundaı keshter halyqtyń sportqa degen qyzyǵýshylyǵyn arttyrýǵa jáne de Atyraý jerin álemge tanytýǵa septigin tıgizedi, - dedi Atyraý oblysy dene shynyqtyrý jáne sport basqarmasynyń basshysy Rınat Ibragımov.
Týrnırdiń basty uıymdastyrýshylary QR pankratıon federasııasy men Atyraý oblysy jaýyngerlik óner Assosıasııasy. Uıym dırektory Erlan Hısmetuly -Mundaı kásipqoı kezdesýler aldaǵy ýaqytta da jalǵasyn tabady, -dedi.
GFC-17 týrnırine bes birdeı atyraýlyq sportshy qatysty. Olar: Abylaı Tólesh, Dáýren Ermekov, Jalǵasuly Jumageldi, Nurbergen Sharıpov, jáne Talǵat Jumaǵalıev.
Aralas jekpe-jekten bólek Mýaı-taı sportynan da úsh kásibı kezdesý ótti. Onda jergilikti sportshy Ábil Galıev Taı sportshysyn nokaýtpen jeńdi.
Festıvaldiń qorytyndy bóliminde Atyraý qalasydaǵy Isataı jáne Mahambet alańynda strıt-bol, asyq atý, kir tasyn kóterý sporty, armrestlıng, shahmat, strıt vorkaýttan úlgi kórinister men jarystar ótti.
Jarys sońynda Atyraý qalasynyń turǵyndary men qala qonaqtaryna konsert uıymdastyryldy.