Elordadaǵy «Kórme» ortalyǵynda TMD-da alǵash ret Azııa-Tynyq muhıty aımaǵynyń RATA halyqaralyq týrıstik kórmesi ótti. Úsh kúnge sozylǵan is-shara barysynda qatysýshylar mańyzdy kórme men V2V formatyndaǵy kezdesýlerge, netvorkıng-platforma men týrızm salasyn damytýǵa qatysty ózekti máselelerge arnalǵan iskerlik forýmdarǵa qatysty. Kórme Mádenıet jáne sport mınıstrligi men «Kazakh Tourism» UK qoldaýymen uıymdastyryldy.
«Kórme» kesheniniń Kongress-zalynda «Travolution»: tehnologııa kúshi Azııa forýmy» men «Kontent-marketıng forýmy: jetistik joly men kontent jasaýdyń evolıýsııasy» atty eki is-shara ótti.
«Travolution» forýmynyń ashylýynda «Eır Astana» áýe kompanııasynyń bas dırektory Pıter Foster sóz sóılep, sońǵy 30 jylda týrızm salasy túbegeıli ózgergenin atap ótti. Onyń sózinshe, shetelge saıahat adamdardyń ál-aýqaty ósýiniń ǵana emes, kóp elderdiń ashyqtyq deńgeıiniń artýy arqasynda qoljetimdi bola túsken. «Qazaqstannyń búgingi týrıstik áleýeti óte joǵary. Áýe kompanııasynyń jetekshisi retinde Qazaqstanda týrbıznesti damytý úshin qolymyzdan kelgenniń bárin jasap jatqanymyzdy aıtqym keledi. Bul el – Uly Jibek jolynyń bir bólshegi. Osynda kelý arqyly kóshpendilerdiń tarıhyna jaqyndaı túsesiz», dedi Foster.
«Travolution» forýmynyń birinshi sessııasy – Azııa-Tynyq muhıty aımaǵynda týrızm salasyna «úshtik ólshemsharttyń» yqpal etýine arnalǵan korporatıvtik ınnovasııalarǵa Azııa damý banki, RATA men Plug and Play Tech Center ókilderi qatysty. Olar ózderi jasap jatqan «Travel Lab Asia» baǵdarlamasy qamtıtyn negizgi máselelerin forým qatysýshylarymen bólisti.
«Travel Lab Asia» – Azııadaǵy týrızm salasynyń ınnovasııalaryna arnalǵan platforma. Ol ornyqty damý men ekologııanyń eń ózekti máselelerin sheshýde korporasııalardyń bastapqy tehnologııalyq sheshimderdi tabýyna kómektesedi. Osy baǵdarlamaǵa qatysatyn korporasııalar dúnıe júzindegi ornyqty damýǵa baǵyttalǵan startaptar men utymdy sheshimderge qol jetkizedi. Sessııa spıkerleri Qazaqstannyń týrızm salasyndaǵy múmkindikterin tolyq paıdalaný úshin memlekettik, salalyq jáne ınnovasııalyq kompanııalar jumyla jumys isteýi kerek ekenine, birigip týrbıznes qyzmetiniń durys ekojúıesin qurý qajettiligine toqtaldy. Patrısııa Nordstromnyń aıtýynsha, Plug and Play-diń mańyzdy qyry – mádenı mentalıtetti ózgertý. «Biz búkil álemdi aralaımyz jáne qazirgi tańda týrıstik kompanııalarǵa startaptarǵa úlken nazar aýdarý kerektigin aıtamyz. Týrıstik bıznesti tıimdi qurýda olardyń róli erekshe. Osyny eskerińizder», dep qosa aıtty. Sondaı-aq Djeıson Lask «Týrızm salasyndaǵy jobalardy júzege asyrý úshin, elder bir-birimen mámilede bolyp, kórshilerdiń tabysty tájirıbesin zertteýi, sondaı-aq óz elderiniń erekshelikterin eskere otyryp, olardy engizýi kerek. Bul – týrızm salasyn durys damytýdyń kepili» dedi.
«Álemmen betpe-bet» sessııasy jergilikti kompanııalardyń shetel naryǵyna shyǵý strategııalaryna arnaldy. Sessııa barysynda, Aviata.kz-nyń bas dırektory Nıkolaı Mazensev óz kompanııasynyń qyzmeti men basqa elderdiń naryǵyna shyǵý týraly josparyn aıtyp berdi. Uıym áýe jáne temir jol bıletin onlaın satý boıynsha Qazaqstan naryǵynda kósh bastap tur.
«Overtýrızmge arnalǵan sıfrly sheshimder» sessııasynyń qatysýshylary tanymal jerlerde týrısterdiń baǵyt tabýyna jáne belgili bir ýaqyttaǵy (mereke kúnderi, demalys jáne basqa ýaqyttarda) qandaı da bir baǵyttardyń júktemesine qaraı, saıahatty josparlaýǵa járdemdesetin sıfrly platformalardy damytý máseleleri talqylandy. Sala ókilderi klıentterdiń qajettiligin eskerip, boljam jasaý úshin jáne belgili bir baǵyttardaǵy shamadan tys týrızmniń jaǵymsyz áserin jeńildetý úshin yqtımal týrısterge balamaly baǵyttardy nemese kúnderdi usyna otyryp, tehnologııalyq jańa jetistikterdi qoldaný qajet.
«Tutynýshynyń minez-qulqyn qalyptastyratyn tájirıbelik derekter» sessııasy aldyńǵy sessııanyń qısyndy jalǵasy boldy. Munda saıahatty josparlaǵanda (baǵyttardy qaraǵanda, brondaǵanda, baǵyttardy jasaǵanda, kórikti jerlerdi izdegende jáne t.s.s.) tehnologııany qoldaný aýqymdy derekter qoryn quratyny, ony durys paıdalaný kompanııalardyń tutynýshyǵa baǵyt alýyna kómektesetini sóz boldy. Aýqymdy derekterdi taldaýmen aınalysatyn kompanııalardyń mindeti – osy bir aqparat aǵynyn kádege jaratý.
Kontent-marketıng forýmy: jetistik joly jáne kontent jasaýdyń evolıýsııasy tústen keıin bastaldy. Jańa medıanyń búkil shoǵyrynyń sarapshylary qonaqtarǵa, aýdıtorııaǵa qyzyq ónimderdi jasaý úshin qandaı joldardy tańdaıtynyn aıtty. Sessııa spıkerleri sıfrly aqparattyq resýrstardyń, áleýmettik jelilerdegi foto jáne vıdeo blogtardyń, jalpy vıdeo kontenttiń tanymaldylyǵy artyp kele jatqanyn jetkizdi.
BBC Global News-tiń Jarnama jónindegi vıse-prezıdenti Djon Ýılıams óz sózinde, qazir VVS zerttelip jatqan tarıhı jáne arheologııalyq jańalyqtarǵa qatysty jumystarǵa kóp kóńil bóletinin atap ótti.
PTM 2019 aıasynda QazMZÝ-da Azııa-Tynyq muhıty týrıstik qaýymdastyǵynyń (Pacific Asia Travel Association – PATA) «Basynan sońyna deıin: tarıh bizdi qalaı baılanystyrady» atty Jastar sımpozıýmy ótti. Sımpozıým sońy stýdenttik klýbtar men týrızm salasyndaǵy jas mamandardyń álemdik týrızm naryǵynyń tanymal tulǵalarymen jáne Azııa-Tynyq muhıty týrıstik assosıasııasynyń basqarma múshelerimen kezdesýine ulasty. Is-sharaǵa jergilikti jáne sheteldik 120 stýdent, oqytýshy, osy salanyń túlekteri men mamandary jınaldy.