Aqtaýda «Mańǵystaý - adaldyq alańy» jobasynyń aıasynda Qazaqstan Respýblıkasynyń Sybaılas jemqorlyqqa qarsy is-qımyl agenttiginiń Mańǵystaý oblysy boıynsha Departamentiniń jáne oblys ákimdiginiń uıymdastyrýymen «Adal júrek» qaıyrymdylyq marafony ótkizildi. Bul týraly Qazaqstan Respýblıkasynyń Sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamenti baspasóz qyzmetinen habarlady.
Sharaǵa oblys ákiminiń orynbasary Q.Jumashev, bokstan álem chempıony B.Nurdáýletov, memlekettik qyzmetshiler, buqaralyq aqparat quraldary ókilderi, stýdent jastar, Departament basshysynyń orynbasary B. Mahmud jáne qyzmetkerleri qatysty.
Shara aıasynda saǵat 10.00-den Aqtaý qalasynyń «I love Aktau» ınstalıasııasynan bastap Amfıteatrǵa deıin 2400 metrge júgirdi. Árbir qatysýshy marafonnyń bastalýy aldynda erikti túrde qaıyrymdylyq sharasyn tóledi.
Máre syzyǵyna birinshi bolyp jetken jeńimpazdar álem chempıony Bekzad Nurdaýletov qolynan kýbok jáne dıplomdarmen marapattaldy.
Shara sońynda jańaózendik búldirshin Damır Álimjan anasy kómek qolyn sozǵan barlyq jandarǵa alǵysyn bildirdi.