Aqtaýda ótken festıval aıasynda «Kinoplexx - Aktau» kınoteatrynda «Gangster Shaman» komedııasy jáne «Chıtaıýshıı lısa» tarıhı dramasy syndy eki tolyq metrajdy fılm kórermenderge usynyldy. Bul týraly Mańǵystaý oblysy ákimi apparaty janyndaǵy «Qoǵamdyq kelisim» KMM aqparattyq-resýrstyq ortalyǵy habarlady.
Festıvaldiń ashylý saltanatynda fılm kórýge kelgen Koreı ókildiginiń 65 - 86 jas aralyǵyndaǵy eresekterinen bastap qala jastary aldymen «Haet» bı ansambliniń koreı ulttyq bıin jáne Abaı atyndaǵy mádenıet úıiniń «DIFaMILY CREW» tobynyń hıp-hop ónerin tamashalady.
Sonymen qatar, Qazaqstan Respýblıkasyndaǵy Koreı respýblıkasy Elshiligi janyndaǵy Koreı mádenı ortalyǵynyń dırektory Lı Heran hanym barsha fılm kórýge kelgen kórermenderdi kınofestıvaldiń ashylýymen quttyqtaı otyryp, osyndaı is-shara eki el arasyndaǵy qarym-qatynastyń odan ári jaqyndaı túsýine múmkindik beretinin atap ótti. Sonymen qatar, ol «Choson» káris etnomádenı birlestiginiń tóraıymy Madenova Raısaǵa jáne taǵylymdy sharalarǵa uıytqy bolyp júrgen Mańǵystaý oblystyq Qazaqstan halqy Assambleıasynyń hatshylyq meńgerýshisi Ismýrzına Gúljan Maqsutqyzyna alǵysyn bildirdi. Koreı fılmderine qyzyǵýshylyq tanytyp kelgen qonaqtardyń sany óte kóp. Fılmde satqyndyq, aldaý, arbaý, adamnyń ar-namysy beınelenedi.
Mańǵystaý oblysy