Bilim salasyna aǵymdaǵy jyly 11 826,3 mln teńge bólindi (01.09.2018j. - 8 789,6 mln tg.), bul barlyq aýdan bıýdjetiniń 53,1% qurap otyr.
Qazirgi tańda aýdanda 15 mektep jáne 1 lıseı bar, onda 32 635 bala bilim alady. Bıyl 2019 jyly oblystyq bıýdjetten Batyr aýyldyq okrýginen 960 oryndyq mekteptiń qurylysyna qarjy bólinip, qurylys jumystary bastaldy. Nysan 2020-2021 oqý jylyna qoldanysqa beriletin bolady.
Sonymen qatar aǵymdaǵy jyly Atameken aýyldyq okrýgi men Basqudyq aýyldyq okrýgindegi qoldanystaǵy mektepke qosymsha árqaısysy 320 oryndyq mektepterdiń qurylys jumystary aıaqtalyp, qoldanysqa berildi dedi О́ńirlik Kommýnıkasııalar qyzmeti alańynda ótken brıfıngte Munaıly aýdanynyń ákimi Rahat Eltızarov.
Oqýshylar tasymalyn boldyrmaý jáne 3 aýysymdy oqytýdy joıý maqsatynda jańa mektepterdiń qurylysyn bastaý qajet.
Qazirgi tańda Qyzyltóbe-2 turǵyn úı massıvinen 1200 oryndyq mektep, Mańǵystaý aýylynyń Besshoqy turǵyn úı massıvinde 1200 oryndyq mektep, Basqudyq aýyldyq okrýginen 600 jáne 1200 oryndyq mektep, Batyr aýylynan 1200 oryndyq mektep qurylystarynyń jobalyq-smetalyq qujattamasy jasaqtalyp, memlekettik saraptamaǵa tapsyrylǵan.
Rahat Tezekbaıulynyń málimdeýinshe, «3 pen 6 jas aralyǵyndaǵy balalardyń mektepke deıingi uıymdarmen qamtý 98,2% quraıdy, ol kórsetkish ótken jyly salystyrmaly ýaqytta -93,6% -dy quraǵan bolatyn.