Qarttardy qoldaýǵa arnalǵan aılyqtyń sheńberinde Soltústik Qazaqstan oblysynyń polısııa departamenti túrli is-sharalar ótkizdi. Sonyń ishinde 7 mıllıon teńgeden astam bir kúndik eńbekalaryn Ardagerler keńesi qoryna aýdardy.
Polısııa qyzmetiniń 200-den astam burynǵy qyzmetkerleriniń jasy 70-ten asqan. Olardyń árqaısysyna materıaldyq kómek kórsetildi. Merekelik dastarqan jaıylyp, konsert uıymdastyrdy. «Burynǵy áriptestermen kezdesý jáne jumys jyldary týraly jyly estelikter-jastyq shaqqa qaıta oralýǵa múmkindik berdi, bul eń tamasha syılyq. Osyndaı kezdesýler boıymyzǵa qýat, janymyzǵa serpilis syılaıdy»,- dep alǵan áserimen bólisti ishki ister organdarynyń ardageri, otstavkadaǵy polkovnık Ermek Talǵarbaev.
Marapattaý rásimi de ardagerlerdi erekshe kóńil-kúıge bóledi. Polısııa departamentiniń bastyǵy, polısııa polkovnıgi Marat Tólebaev qyzmet ótkerý kezinde joǵary kásibılikti kórsetip, qazirgi ýaqytta da polısııa vedomstvosynyń ómirine belsendi qatysyp júrgen zeınetkerlerge medaldar men gramotalar tabystady. Marat Saǵyntaev aǵa urpaqtyń eńbekqorlyǵy men ómirlik ustanymdary qazirgi polıseılerge baǵyt-baǵdar beretinin atap ótti.
Búgingi tańda Soltústik Qazaqstan Oblysy Polısııa departamenti esebinde 2086 zeınetker tur. Onyń 5-ýi Uly Otan soǵysynyń ardageri, 28 tyl eńbekkeri men tórteýi maıdangerlerdiń jesiri.