Atynan at úrketin tulparlar

Bul kúni ıppodromǵa jınalǵan jurtshylyq 24 shaqyrymdyq alaman báıge, 2,4 shaqyrymdyq maıda jarys, 14 shaqyrymdyq negizgi báıge jáne 8 shaqyrymdyq jorǵa jarystaryn tamashalady.

Sóıtip, 24 shaqyrymdyq alaman báıgege 12 júırik qatysty. Pavlodarlyq «Senim» atty tulpar alamanda birinshi bolyp keldi. Attyń ıesi – Baqtııar Baızaqov. Toq báıgede de Baqtııardyń «Kar­lýhkan» atty júırigi top jardy.

Al ushqyr attardyń qysqa qa­shyqtyqtaǵy jarysynda Al­matynyń «Meık Memerıs», Ýspen aýdany «Galıskoe» JShS-niń «Popýtchık» tulparlary alda keldi.

–Men jyl saıyn báıgege qatysamyn. Búgin «Karlýkhan» atty tulparymmen toq báıgede birinshi keldim. Ár júıriktiń óz ereksheligi bar. Attyń shabysy bizge de baılanysty. «Karlýkhan» byltyrdan beri báıgege qatysýda. Byltyr mashına oljalap edik, búgin 1 mıllıon teńge utyp aldyq, – deıdi 12 jasar shabandoz Nur­bolat Semetaı.

Báıgeni kórýge kelgen Ja­nargúl Bilaı Kemeńger aýylyn­daǵy agrarly-tehnıkalyq kol­ledj­de tehnık-programmıst ma­man­­dyǵynda bilim alýda.

–Kolledjde ashylǵan «Ala­man» klýbyn stýdentter ǵana emes, aýyl jastary men oqý­shy­lardy atqa minýge jáne jylqy baptaýǵa úıretýde. О́zim 8 jasymnan atqa minip úırendim, – deıdi Janargúl.

Báıgeden soń, jappaı kókpar bastaldy. Bizdiń oblysta kók­par­shy jigitterimiz negi­zinen Ekibas­­tuz­­dyń Aqkól aýylynda, Baıan­aýyl­­da, Maı aýdanynda, Aqsýda turady.

Oblys ákimi Bolat Baqaýov ta dodaǵa qatysyp, sportshylarmen kúsh synasyp kórdi.

Jappaı kókpar oıynynda Islam Rat osymen ekinshi már­te júldeger atandy. Attyń ıesi Baq­tııar Baızaqov avtokólik ıelendi.

–Árıne, tartys kezinde bir­de aqyń ketedi, birde eselene qaı­tady. Kókpar degen sonysymen qyzyq. Qıqýy da ǵajap. Qyzǵan dodaǵa atty qosyp kep jiberip, kókparǵa qol tıgende janyń rahat tabady. Salym salǵan soń kóńil de jadyraıdy, – deıdi Islam.

Kókparshylardyń bári de bala kezden kókparǵa taı, jabaǵy, qu­nan­darmen barǵandaryn aıtady. Birden úlken kókparǵa aralasý múmkin emes.

–Sońǵy kezderi jappaı kókpar men komandalyq kókpardyń aıyr­mashylyqtary da aıtylýda. Kók­par sport emes. Mán-maz­muny basqa. Ata-babadan qalǵan mura. Ulttyq oıynymyz. Keń dalanyń kókpary men teatr­landyrylǵan kórinisti komandalyq kókpardyń aıyrmasy jer men kókteı, – deıdi kókparshylar ózara oı bólisip.

Al oblystyq Týrızm jáne sportty damytý basqarmasynyń má­limetinshe, At sporty túrleri bo­ıyn­sha týrnırge 3 «Lada» avto­kóligi, motosıkl, sondaı-aq aq­shalaı júlde tigilgen. En­di aldaǵy jeltoqsan aıynda óńirimizde alǵash ret oblystyq qusbegiler saıysy ótedi.