Fýtzaldan Chempıondar lıgasynyń irikteý kezeńinde baq synaǵan Almatynyń «Qaıraty» men Rýdnyıdyń «Aıat» klýbtary elıtalyq kezeńge joldama aldy.
Majarstannyń Berettoýıfalý qalasynda ótken básekede synǵa túsken «Qaırat» komandasy úsh oıyn ótkizip, bireýinde ǵana jeńiske jetti. Alǵashqy eki oıynda qarsylastaryna ese jibergen otandastarymyz sońǵy týrda alań ıeleri – «Berettoýıfalý» klýbyn 3:0 esebimen tize búktirip, topta úshinshi oryn ıelendi. Jarys erejesi boıynsha elıtalyq kezeńge topta alǵashqy úsh oryndaǵy komandalar joldama alady.
Al Lıtvanyń Kaýnas qalasynda ótken dodada baq synaǵan Rýdnyıdyń «Aıaty» da týrnırdiń elıtalyq kezeńinde oınaýǵa múmkindik aldy. Bir oıynda jeńiske jetip, eki matchta jeńilgen «Aıat» úshinshi orynmen kelesi kezeńge joldama aldy. Chempıondar lıgasynyń elıtalyq kezeńi 19-24 qarasha kúnderi ótedi. Al fınaldyq báseke 2020 jyldyń 23-26 sáýir kúnderine josparlanǵan.