Qazaqstannyń О́zbekstandaǵy jyly jáne Qazaqstandaǵy Jastar jyly aıasynda shymkenttik «Dostyq kerýeni» músheleri О́zbekstanǵa úsh kúndik issaparmen attandy. Atalǵan sapardy qalalyq Qazaqstan halqy Assambleıasy jáne Silkyway halyqaralyq ýnıversıteti birlesip uıymdastyryp otyr.
Zııaly qaýym ókilderi men memlekettik qyzmetshiler, etnomádenı birlestikter men BAQ ókilderi, belsendi jastardan quralǵan delegat úsh kúndik sapar barysynda birqatar kezdesý men Tashkent, Samarqand, Buhara qalasyndaǵy tarıhı oryndarǵa zııarat jasaýdy josparlady.
Delegasııa músheleri Tashkenttegi Abaı eskertkishine gúl shoqtaryn qoıyp, Tóle bı babamyzdyń mazaratyna zııarat etedi. Ári qaraı Samarqandtaǵy Ámir Temir jáne Jalańtós bahadúrdiń, Buharadaǵy Bahaýddın Nakshbandıdiń kesenesimen tanyspaq.
Sonymen qatar «Dostyq kerýeniniń» músheleri О́zbekstan ınternasıonaldy mádenı ortalyǵy men О́zbekstandaǵy qazaq mádenı ortalyǵynda bolyp, ózbekstandyq qazaq jastarymen kezdesedi dep josparlanýda.
ShYMKENT