Jastar men jasóspirimder arasynda Sambodan álem chempıonaty Tashkent qalasynda ótti. Qazan aıynyń 13-de qorytyndylanǵan dodada mańǵystaýlyq samboshy Dáýren Tólegenov álem chempıony atandy.
Dáýren Aqtaýdaǵy «Jas batyr» sport mektebinde jattyǵady. Ol Álem birinshiliginde 56 keli salmaqta synǵa tústi. Kilemde Túrkmenstan, Kolýmbııa, Ázerbaıjan jáne О́zbekstannan kelgen sportshylardy tize búktirgen ol aıqyn basymdyqpen jeńiske jetti.
Dáýren sambodan Qazaqstan chempıony, Azııa chempıony atanǵan bolatyn.
-Sambo kúresine qatysyp, túrli dodalarda baq synap júrgenime 8 jyldaı ýaqyt boldy. Alaıda álem chempıonatynda alǵash ret synǵa tústim. Álemniń túkpir-túkpirinen myqty sportshylar keldi. Fınaldyq kezdesýde О́zbekstannan kelgen sportshymen beldesip, birinshi oryndy ıelendim. Osy jeńiske jetýim úshin meni úzdiksiz jattyqtyrǵan bapkerlerime alǵys bildiremin. Endigi maqsat – eresekter arasynda sambodan álem shyńyn baǵyndyrý, degen Dáýren Tólegenov bapkerlerine jáne «Jas batyr» sport mektebine alǵysyn jetkizdi.
Búgin mańǵystaýlyqtar Aqtaý halyqaralyq áýejaıynan jýyrda týǵan jerine júldemen oralǵan boksshy Bekzat Nurdáýletovtiń jeńisti jolyn jalǵastyryp, aýylyna altynmen oralyp, el mereıin asqaqtatqan palýan uly Dáýren Tólegenovti qýana qarsy alýǵa daıyndalýda.