Parlament Senatynyń Tóraǵasy Darıǵa Nazarbaeva Býrkına-Fasonyń birinshi hanymy Adjovı Sıka Kaboremen kezdesti. Kezdesý Nur-Sultanda ótip jatqan Qaterli isikpen kúres kóshbasshylarynyń dúnıejúzilik sammıtiniń aıasynda boldy.
Senat Tóraǵasy kezdesý barysynda Qazaqstanda onkologııalyq aýrýlarmen kúres boıynsha qabyldanyp jatqan sharalar týraly aıtty. D.Nazarbaevanyń aıtýynsha, Elbasynyń tapsyrmasy boıynsha 2018-2022 jyldarǵa arnalǵan joǵary tehnologııalyq medısınalyq qyzmetterge qoljetimdilikti ulǵaıtý, dıagnostıka men emdeýdiń ınnovasııalyq ádisterin engizý, kadrlyq resýrstardy damytý, onkologııa salasyndaǵy irgeli jáne qoldanbaly ǵylymı zertteýlerdiń keshendi jospary bekitilgen bolatyn.
Adjovı Sıka Kabore óz kezeginde azamattardyń densaýlyǵyn saqtaý boıynsha birlesken jumystyń mańyzdylyǵyn atap ótti. Birinshi hanym onkologııalyq aýrýlarǵa qarsy kúres salasyndaǵy Qazaqstannyń tájirıbesin úırenýge ázirlikterin bildirdi.