«Aqsaı» nan-toqash kombınaty bazasynda Nan kúnin merekeleýge arnalǵan saltanatty is-shara ótti. Qazaqstan Respýblıkasynyń Aýyl sharýashylyǵy mınıstrliginiń Jaýapty hatshysy Marat Orazaev quttyqtaý sóz sóılep, nan kombınatynyń eńbekkerlerin marapattady. Jyl saıyn respýblıkanyń 700-720 myń tonna nan óndiriledi, bul óz óndirisi esebinen eldiń ishki qajettiligin qamtamasyz etýge múmkindik beredi. Nan-toqash ónimderin óndirýdiń jalpy kólemindegi úlesi (1 556,4 mlrd teńge) 14,6% (224,9 mlrd teńge) quraıdy.
Nan jáne unnan jasalǵan kondıterlik ónimder eksportynyń kólemi 11,7 myń tonnany, ımport - 75,7 myń tonnany qurady. Jalpy, 2018 jyly 800,8 myń tonna nan jáne unnan jasalǵan kondıterlik ónimder tutynyldy, ımport úlesi – ishki tutynýdyń jalpy kóleminiń 9,4% - y.
Nan óndirýshiler halyqtyń nanǵa degen suranysyn qanaǵattandyrýmen ǵana emes, sonymen qatar naryqta suranystyń bolýyna baılanysty shyǵarylatyn ónimniń assortımentin keńeıtýmen de belsendi jumys isteıdi: bul negizinen nan-toqash, uzaq jáne az merzimge saqtalatyn unnan jasalǵan kondıterlik ónimder.
AО́K damytýdyń 2017-2021 jyldarǵa arnalǵan memlekettik baǵdarlamasyna sáıkes aýyl sharýashylyǵy ónimderin qaıta óńdeýmen aınalysatyn AО́K sýbektileri (onyń ishinde nan óndirýshiler) úshin mynadaı memlekettik qoldaý sharalary kózdelip otyr aınalym qarajatyn tolyqtyrýǵa berilgen kredıtter boıynsha syıaqy mólsherlemesi ony teńgemen jyldyq 5 % (bes) % - ǵa, negizgi quraldardy satyp alýǵa-teńgemen jyldyq 10% (on) % - ǵa tómendetý jolymen sýbsıdııalanady.Sýbsıdııalardy berý tártibi men sharttary Qazaqstan Respýblıkasy Premer-Mınıstriniń Orynbasary Qazaqstan Respýblıkasy Aýyl sharýashylyǵy mınıstriniń 2018 jylǵy 26 qazandaǵy № 436 buıryǵymen bekitilgen nan óndirýge eseptelgen QQS somasyn 70% - ǵa azaıtý.
Sondaı-aq «qarapaıym zattar ekonomıkasy» baǵdarlamasy sheńberinde syıaqy mólsherlemesine sýbsıdııalaýmen nesıelenetin baǵyttar tizimine «nan óndirisin» engizý máselesi qarastyrylýda.