Ulttyq qaýipsizdik komıteti ózge memlekettik organdarmen jáne shetel seriktesterimen birlesip, «Jýsan» operasııasy sheńberinde Sırııadan 595 Qazaqstan azamatyn qaıtardy, onyń arasynda tórt júzden astamy balalar. Bul týraly komıtettiń baspasóz qyzmeti habarlady.
«Qaıtarylǵan adamdardyń ishinde 10 er adam men 5 áıel Qazaqstanda tyıym salynǵan/ DAISh halyqaralyq terrorıstik uıymynyń áreketine qatysý faktisi boıynsha ártúrli merzimderge bas bostandyǵynan aıyrýǵa sottaldy. Tergeý nusqasy boıynsha Sırııa jaǵdaıynda DAISh-tiń bir jasaǵynda bolǵan taǵy da 14 azamatqa qatysty qylmystyq isti tergeý aıaqtaldy. Olarǵa terrorıstik áreketke qatysty, áreketke tartty jáne terrorızmdi nasıhattady, sondaı-aq ózge de aýyr qylmystar jasady degen aıyp taǵyldy», delingen habarlamada.
Qylmystyq is materıaldary Nur-Sultan qalasynyń mamandandyrylǵan aýdanaralyq qylmystyq ister boıynsha sotyna berildi.