Ábish Kekilbaevtyń 80 jyldyǵyna arnalǵan I Halyqaralyq «Ábish Álemi» teatr festıvali óz máresine jetti. 4 kúnge sozylǵan festıval barysynda 10 teatrdan 150 sahna sheberi óner kórsetti.
Ádilqazylar alqasy múshesiniń biraýyzdan anyqtaǵan sheshimimen festıvalge qatysýshy teatrlar qoıylymdardy úzdik sahnalaǵany úshin I Halyqaralyq «Ábish Álemi» teatr festıvaliniń laýreaty ataǵyn aldy.
Festıvalde M. Áýezov atyndaǵy Qazaq Memlekettik akademııalyq drama teatry Ábish Kekilbaevtyń aýdarmasyndaǵy A.Chehovtyń «Súıikti meniń aǵataıym» dramasyn, N.Jantórın atyndaǵy Mańǵystaý oblystyq mýzykalyq drama teatry Á.Kekilbaevtyń «Kúı» qoıylymyn, J.Aımaýytov atyndaǵy Pavlodar oblystyq qazaq mýzykalyq drama teatry Ý.Shekspırdiń Á.Kekilbaev aýdarmasyndaǵy «Korol Lır» tragedııasyn, Horezm oblystyq mýzykalyq drama teatry Iý.Iýsýpovtyń «Ǵashyq Ǵarıb pen Shohsanam» mýzykalyq dramasyn, Lebap velaıatynyń S.Seıdı atyndaǵy Memlekettik mýzykalyq drama teatry Sh.Masharıpovtyń «Daıahatyn» dramasyn, K.Hýdjandı atyndaǵy mýzykalyq komedııa teatry Sh.Boshbekovtyń Moler pesasynyń jelisimen «Letaıýshıı lekar» komedııasyn, O.Abelıan atyndaǵy Vanadzor Memlekettik drama teatry G.Markestiń «Iа prıshla tolko pozvonıt» psıhologııalyq dramasyn, Stambýl Memlekettik teatry halyq ańyzy jelisimen «Qorqyt baba» dramasyn, G.Alıev atyndaǵy Ázirbaıjan kásibı drama teatry A.Chehovtyń «Aıý» komedııasyn, Irannyń B.Barbod teatry Ý. Shekspırdiń «Korol Lır» tragedııasyn úzdik sahnalady.
Uıymdastyrýshylardyń aıtýynsha, endi halyqaralyq «Ábish Álemi» teatr festıvali eki jylda bir ret ótkizilip turatyn bolady.
Mańǵystaý oblysy