Oblystyq aýyl sharýashylyǵy basqarmasynyń málimetinshe, óńir dıqandary astyq jınaý naýqanyn aıaqtady. Aýa-raıynyń qurǵaq qolaısyzdyǵyna qaramastan, dándi jáne burshaq daqyldarynyń ónimdiligi ár gektardan 10,5 sentnerdi qurady.
Bıyl jalpy oblysta egin jınaý alańy 87 myń gektarǵa deıin keńeıtildi.
Iаǵnı, óńirimizde astyqty alqap 1,1 mıllıon gektardy quraıdy. Bıyl bıdaı egýge 530 myń gektar bólingen. Ortasha ónimdilik gektarynan 10,5 sentner bolsa, jalpy túsim 538 myń tonnany quraıdy.
Sondaı-aq kartop jınaý aıaqtaldy. Ortasha ónimdilik gektarynan 320 sentner bolsa, jalpy túsim 550 myń tonnany qurady. Kókónis 5,9 myń gektar alqapta jınaldy. Túsim 200 myń tonnany qurady.
Shóp daıyndaý da aıaqtaldy. Ortasha ónimdilik gektaryna 9 sentnerdi qurady, 60,5 myń tonna pishendeme daıyndaldy. Bul aýyl sharýashylyǵy taýaryn óndirýshilerge bir jarym jyldyq shóp qoryn daıyndaýǵa múmkindik berdi.
Jalpy, jyl basynan beri oblys sharýashylyqtary lızıng boıynsha 100-den astam tehnıka, jeńildetilgen janar-jaǵarmaı alǵan.
Al, kúzgi dala jumystaryna sharýashylyqtarǵa 21 myń tonna dızel otyny berildi. Basqarma mamandarynyń aıtýynsha, dándi daqyldardy óńdeý jáne ósirý kezinde jergilikti fermerler qazirgi zamanǵy resýrs únemdeıtin tehnologııalardy qoldanýda.
Sonymen qatar óńirde astyq der kezinde jınaýǵa qural-jabdyqtar, tehnıkalar, jumys kúshi jetkilikti boldy.