Mańǵystaýda qazaqtyń kemeńger uly Ábish Kekilbaev balalyq kezeńin ótkizgen, tunyq aspanynda bulbul kómeı Roza Baǵlanova án shyrqaǵan, uly sazger Shámshi Qaldaıaqov pen aqıyq aqyn Tólegen Aıbergenovtiń shabytyn shalqytqan Taýshyq aýylyna 80 jyl toldy.
Tereń tarıhy bar aýyl búginde ajarly keıpimen, bazarly turmys-tirshiligimen Mańǵystaý oblysyndaǵy úlgili, aldyńǵy qatarly aýyldardyń birine aınaldy. Oblysta «Úlgili aýyl» atanǵan Taýshyq aýyly kún sanap kórkeıip, gúldenip keledi. Aýyl azamattarynyń qoldaýymen, jańa nysandar boı kóterip, halyq ıgiligi úshin mańyzdy sharalar atqarylýda.
Taýshyq aýylynyń 80 jyldyq mereıtoıyna Mańǵystaý oblysynyń ákimi S.Trumov qatysyp, Mańǵystaý oblysynyń áleýmettik-ekonomıkalyq damýyna qosqan úlesi úshin Taýshyqtyń birqatar turǵyndaryna Alǵys hat tabystady.
Sondaı-aq, fılosofııa ǵylymdarynyń doktory, professor Tilepov Jumat, Memleket jáne qoǵam qaıratkeri L.Qıynov, Memleket jáne qoǵam qaıratkeri Z. Alshymbaev, Memleket jáne qoǵam qaıratkeri, Mańǵystaý oblysynyń Qurmetti azamaty Q.Erejepov, jazýshy Ábish Kekilbaıulynyń apasy, eńbek ardageri Kekilbaeva Qarakóz bastaǵan azamattar «Taýshyq aýylyna 80 jyl» merekelik tósbelgisimen, birqatar azamattar Túpqaraǵan aýdany ákiminiń Qurmet gramotasymen marapattaldy.
Eki kúnge ulasqan mereıtoı aıasynda Shahta orta mektebinde ıntellektýaldyq konferensııa ótkizilip, «Sóz ben saz» baǵdarlamasy uıymdastyryldy. Sondaı-aq, «Taýshyq aýyly» pasporty maketi men fermer, marqum T.Joldybaev atyna berilgen kósheniń ashylýy bolyp, túrli sporttyq jarystar ótkizildi.
Nátıjesinde 36 shaqyrymdyq alaman báıgede 1-orynǵa tigilgen «Nıva» avtokóligin aqshymyraýlyq M.Aqjigitovtyń «Aqsuńqary» ıelense, 2-orynnyń júldesi motosıkldi Atyraýdan kelgen M.Mashanovtyń «Ortekesi» ıelendi. Sondaı-aq, beıneýlik Á.Tańatarovtyń «Aqtasy» 3-orynǵa tigilgen tońazytqyshty enshiledi. Al, 4-shi, 5-shi oryn júldegerlerine tıisinshe teledıdar men kir jýatyn mashına tartý etildi.
12 shaqyrymdyq qashyqtyqqa belgilengen qunan báıgede 1-oryn jeńimpazy jyloılyq Myrzaǵalıevter áýleti 100 myń teńgege, máre syzyǵyn 2-shi bolyp kesip ótken beıneýlik K.Ybyraev 70 myń teńgege jáne 3-oryn ıegeri túpqaraǵandyq Q.Qoıshybaev 50 myń teńge júldege qol jetkizdi.
24 shaqyrymdyq Oshaq báıgede 1-orynǵa tigilgen motosıkldi Taýshyq aýylynyń turǵyny Hamza ıelense, 2-orynǵa tigilgen tońazytqyshty jyloılyq M.Mashanov, 3-oryn júldesi shańsorǵyshty qyzyltóbelik Muhanov ıelendi.
8 shaqyrymdyq taı báıgede 1-oryn 70 myń teńge aqtaýlyq atbegi Asylbekke, 2-oryn 50 myń teńge Saı-О́tes aýylynan kelgen Táttibaı men 3-oryn 30 myń teńge Shetpeniń seıisi Erlanǵa buıyrdy.
Qazaq kúresinen 1-oryn N.Jarylǵapov júldege tigilgen túıeni jetektep ketse, 2-oryn alǵan J.Tańatov 150 myń teńgeni, 3-oryn ıegeri Ǵ.Sholtaev 100 myń teńgeni ıemdendi. Al, qol kúresinde júldegerler - S.Qaldybaev 50 myń teńgeni, A.Bektemisov 30 myń teńgeni, K.Bekqalı 20 myń teńgeni jeńip aldy.
Qoı kóterýde Rınat Zýlharnaev júldege tigilgen qoıdy jetektese, keıingi oryndardaǵy Temirbek Májilis 30 myń teńgeni, Rasýl Zýlharnaev 20 myń teńgeni qanjyǵalaryna baılady.
Taýshyq toıy ótkenge qurmet, búgingige izet, keleshekke sabaq bolar taǵylymdy toı boldy.