Bıyl óziniń ǵasyrlyq toıyn mejeleıtin «Egemen Qazaqstan» gazetiniń dara turar datasyna arnalǵan túrli sharalar shoǵyry elimizdiń ár óńirinde saltanat qurýda. Tanymdy oı men taǵylymdy sabaqtastyqty tý etken kezekti basqosý el tarıhyndaǵy talaı tuǵyrly tulǵalardy túletken bilimniń qarashańyraǵy Qazaq ulttyq ýnıversıtetinde jalǵasyn tapty. Atalmysh oqý oshaǵyndaǵy qazaq sóz óneriniń kıeli ustahanasyna balanatyn jýrnalıstıka fakýltetiniń qabyrǵasynan «Egemen Qazaqstan» gazetiniń oqý-shyǵarmashylyq zerthanasynyń ashylǵanyn súıinshilep aıta ketken lázim.