Qazaqstan Respýblıkasy Prezıdentiniń Jarlyǵy № 555

Qazaqstan Respýblıkasy Prezıdentiniń Jarlyǵy № 555

Senbi, 27 sáýir 2013 1:53

Qazaqstan Respýblıkasynyń aýdandyq mańyzy bar qalalary,  aýyldyq okrýgteri, aýyldyq okrýgtiń quramyna kirmeıtin kentteri men aýyldary ákimderiniń saılaýyn ótkizýdiń keıbir máseleleri týraly

Qazaqstan Respýblıkasy Konstıtýsııasynyń 87-baby 4-tarmaǵyna, «Qazaqstan Respýblıkasyndaǵy jergilikti memlekettik basqarý jáne ózin-ózi basqarý týraly» Qazaqstan Respýblıkasy Zańynyń 32 jáne 36-baptaryna, «Qazaqstan Respýblıkasyndaǵy jergilikti ózin-ózi basqarýdy damytý tujyrymdamasyn bekitý týraly» Qazaqstan Respýblıkasy Prezıdentiniń 2012 jylǵy 28 qarashadaǵy № 438 Jarlyǵyna sáıkes qaýly etemin:

1. Qosa berilip otyrǵan Qazaqstan Respýblıkasynyń aýdandyq mańyzy bar qalalary, aýyldyq okrýgteri, aýyldyq okrýgtiń quramyna kirmeıtin kentteri men aýyldary ákimderin qyzmetke saılaý, ókilettigin toqtatý jáne qyzmetten bosatý qaǵıdalary bekitilsin.

 

Senbi, 27 sáýir 2013 1:53

Qazaqstan Respýblıkasynyń aýdandyq mańyzy bar qalalary,  aýyldyq okrýgteri, aýyldyq okrýgtiń quramyna kirmeıtin kentteri men aýyldary ákimderiniń saılaýyn ótkizýdiń keıbir máseleleri týraly

Qazaqstan Respýblıkasy Konstıtýsııasynyń 87-baby 4-tarmaǵyna, «Qazaqstan Respýblıkasyndaǵy jergilikti memlekettik basqarý jáne ózin-ózi basqarý týraly» Qazaqstan Respýblıkasy Zańynyń 32 jáne 36-baptaryna, «Qazaqstan Respýblıkasyndaǵy jergilikti ózin-ózi basqarýdy damytý tujyrymdamasyn bekitý týraly» Qazaqstan Respýblıkasy Prezıdentiniń 2012 jylǵy 28 qarashadaǵy № 438 Jarlyǵyna sáıkes qaýly etemin:

1. Qosa berilip otyrǵan Qazaqstan Respýblıkasynyń aýdandyq mańyzy bar qalalary, aýyldyq okrýgteri, aýyldyq okrýgtiń quramyna kirmeıtin kentteri men aýyldary ákimderin qyzmetke saılaý, ókilettigin toqtatý jáne qyzmetten bosatý qaǵıdalary bekitilsin.

2. Qazaqstan Respýblıkasynyń aýdandyq mańyzy bar qalalary, aýyldyq okrýgteri, aýyldyq okrýgtiń quramyna kirmeıtin kentteri men aýyldary ákimderi qosa berilip otyrǵan Qaǵıdalarda belgilengen tártippen qyzmetke saılanady, ókilettigin toqtatady jáne qyzmetinen bosatylady dep belgilensin.

3. Qazaqstan Respýblıkasy Ortalyq saılaý komıssııasy:

1) oblys ákimderimen birlesip, osy Jarlyqta kózdelgen Qazaqstan Respýblıkasynyń aýdandyq mańyzy bar qalalary, aýyldyq okrýgteri, aýyldyq okrýgtiń quramyna kirmeıtin kentteri men aýyldary ákimderiniń saılaýy ótkiziletin ákimshilik-aýmaqtyq birlikterdiń sany men tizbesin aıqyndasyn;

2) Qazaqstan Respýblıkasynyń aýdandyq mańyzy bar qalalary, aýyldyq okrýgteri, aýyldyq okrýgtiń quramyna kirmeıtin kentteri men aýyldary ákimderiniń saılaýyn uıymdastyrý men ótkizýdi qamtamasyz etsin.

4. Qazaqstan Respýblıkasynyń Úkimeti, oblys ákimderi atalǵan saılaýdy uıymdastyrýshylyq, materıaldyq-tehnıkalyq jáne qarjylyq qamtamasyz etý boıynsha qajetti sharalardy qabyldasyn.

5. «Oblystyq, aýdandyq mańyzy bar qalalar men oblystar aýdandarynyń, oblystyq mańyzy bar qalalardaǵy aýdandardyń, respýblıkalyq mańyzy bar qala men astanadaǵy aýdandardyń, kentterdiń, aýyldardyń (selolardyń), aýyldyq (selolyq) okrýgterdiń ákimderin qyzmetke taǵaıyndaý, olardyń ókilettigin toqtatý jáne qyzmetten bosatý tártibi týraly» Qazaqstan Respýblıkasy Prezıdentiniń 2011 jylǵy 19 mamyrdaǵy № 86 Jarlyǵyna (Qazaqstan Respýblıkasynyń PÚAJ-y, 2011 j., № 39, 472-qujat) mynadaı ózgerister engizilsin:

taqyryby mynadaı redaksııada jazylsyn:

«Oblystyq mańyzy bar qalalar men oblystar aýdandarynyń, oblystyq mańyzy bar qalalardaǵy aýdandardyń, respýblıkalyq mańyzy bar qala men astanadaǵy aýdandardyń ákimderin qyzmetke taǵaıyndaý, ókilettigin toqtatý jáne qyzmetten bosatý tártibi týraly»;

1-tarmaqtyń 4) tarmaqshasy alyp tastalsyn;

2-tarmaq mynadaı redaksııada jazylsyn:

«2. Osy Jarlyqtyń 1-tarmaǵynda kózdelgen ókilettigin toqtatý jáne qyzmetten bosatý tártibinen basqa, oblystyq mańyzy bar qalalar men oblystar aýdandarynyń, oblystyq mańyzy bar qalalardaǵy aýdandardyń, respýblıkalyq mańyzy bar qala men astanadaǵy aýdandardyń ákimderin Qazaqstan Respýblıkasynyń Prezıdenti óz uıǵarýy boıynsha qyzmetinen bosatýy múmkin.».

6. Osy Jarlyq alǵashqy resmı jarııalanǵan kúninen bastap qoldanysqa engiziledi.

Qazaqstan Respýblıkasynyń Prezıdenti

N. NAZARBAEV.

Astana, Aqorda, 2013 jylǵy 24 sáýir

№ 555

 

Qazaqstan Respýblıkasy  Prezıdentiniń 2013 jylǵy 24 sáýirdegi № 555 Jarlyǵymen

BEKITILGEN

Qazaqstan Respýblıkasynyń aýdandyq mańyzy bar qalalary,  aýyldyq okrýgteri, aýyldyq okrýgtiń quramyna kirmeıtin  kentteri men aýyldary ákimderin qyzmetke saılaý, ókilettigin toqtatý jáne qyzmetten bosatý

QAǴIDALARY

1. Qazaqstan Respýblıkasynyń aýdandyq mańyzy bar qalalary, aýyl­dyq okrýgteri, aýyldyq okrýgtiń quramyna kirmeıtin kentteri men aýyldary ákimderin qyzmetke saılaý, ókilettigin toqtatý jáne qyzmetten bosatýdyń osy qaǵıdalaryQazaqstan Respýblıkasynyń Konstıtýsııasyna jáne «Qazaqstan Respýblıkasyndaǵy jergilikti memlekettik basqarý já­ne ózin-ózi basqarý týraly» 2001 jyl­ǵy 23 qańtardaǵy Qazaqstan Res­pýblıkasynyń Zańyna sáıkes Qazaqstan Respýblıkasynyń aýdandyq mańyzy bar qalalary, aýyldyq okrýgteri, aýyldyq okrýgtiń quramyna kirmeıtin kentteri men aýyldary ákimderiniń saılaýyn uıymdastyrý jáne ótkizý, olardyń ókilettigin toq­tatý jáne qyzmetten bosatý tártibin aıqyndaıdy.

 

1. Jalpy erejeler

2. Qazaqstan Respýblıkasynyń aýdandyq mańyzy bar qalalary, aýyldyq okrýgteri, aýyldyq okrýgtiń quramyna kirmeıtin kentteri men aýyldary ákimderiniń saılaýy tıisti ákimshilik-aýmaqtyq birlikterde janama saılaý quqyǵy negizinde jasyryn daýys berý arqyly ótkiziledi.

3. Janama saılaý quqyǵy atal­ǵan ákimderdi tıisti aýdan (qala) máslıhattarynyń depýtattary bolyp tabylatyn Qazaqstan Respýb­lıkasynyń azamattary-tańdaýshylar saılaıtynyn bildiredi.

4. Saılaýdy ótkizý kezinde daýys berý tańdaýshylardyń erik bildirýin qandaı da bolmasyn baqylaý múmkindigin boldyrmaıtyn, jasyryn bolyp tabylady.

5. Kandıdattardyń osy Qaǵıda­larda bel­gi­len­gen shekte saılaýǵa qatysýǵa teń quqyqtary bar.

6. Qazaqstan Respýblıkasynyń aýdandyq mańyzy bar qalalarynyń, aýyldyq okrýgteriniń, aýyldyq okrýgtiń quramyna kirmeıtin kentteri men aýyldarynyń ákimderi tórt jyl merzimge saılanady.

 

2. Saılaý júıesi

7. Qazaqstan Respýblıkasynyń aýdandyq mańyzy bar qalalary, aýyldyq okrýgteri, aýyldyq okrýgtiń quramyna kirmeıtin kentteri men aýyl­dary ákimderiniń saılaýyn ótkizý kezinde daýys berýge qatysqan tańdaýshylar daýystarynyń kópshilik sanyn alǵan kandıdat saılanǵan bolyp esepteledi.

8. Ákimderdiń saılaýyna ázirlikti jáne ony ótkizýdi uıymdastyratyn saılaý organdary aýdandyq (qalalyq) saılaý komıssııalary bolyp tabylady.

9. Aýdandyq (qalalyq) saılaý komıssııasy:

1) ákimderdiń saılaýyn ótkizýdi qamtamasyz etedi;

2) ákimdikke usynylǵan kandıdattardy, olardyń senim bildirgen adamdaryn tirkeıdi, olarǵa tıisti kýálikter beredi, osy Qaǵıdalarda kózdelgen jaǵdaılarda olardy tirkeý týraly sheshimniń kúshin joıady;

3) daýys berýge arnalǵan bıýlle­tenderdiń mátinderin bekitedi jáne olardyń daıyndalýyn uıym­dastyrady;

4) daýys berý pýnktin daıyndaıdy, daýys berýge arnalǵan kabınalar men jáshikterdiń jasalýyn qamtamasyz etedi;

5) ákimniń saılaýyndaǵy daýys berý nátıjelerin anyqtaıdy, saılanǵan ákimdi tirkeıdi, saılaý nátıjeleri týraly hattamany aýdan (qala) ákimine jiberedi;

6) qaıta saılaý ótkizedi;

7) «Qazaqstan Respýblıkasyndaǵy saılaý týraly» 1995 jylǵy 28 qyr­kúıektegi Qazaqstan Respýb­lıkasynyń Konstıtýsııalyq zańyna jáne osy Qaǵıdalarǵa sáıkes basqa da ókilettikterdi júzege asyrady.

10. Aýdandyq (qalalyq) saılaý komıssııa­synyń sheshimderi men is-áreketterine (áreket­­s­iz­digine) Qazaqstan Respýblıkasynyń zańnama­synda belgilengen tártippen joǵary turǵan saılaý komıssııasyna nemese sotqa shaǵym jasalady.

 

3. Ákimdikke kandıdattardy usyný jáne tirkeý

11. Saılaý kúni týraly habardy aýdandyq (qalalyq) saılaý komıssııasy jergilikti buqaralyq aqparat quraldary arqyly tıisti ákimshilik-aýmaqtyq birlik turǵyndarynyń nazaryna jetkizedi.

12. 25 jasqa tolǵan, Qazaqstan Respýblıkasy Konstıtýsııasynyń 33-babyna sáıkes belsendi saılaý quqyǵyna ıe, «Memlekettik qyzmet týraly» Qazaqstan Respýblıkasynyń Zańynda qoıylatyn talaptarǵa sáıkes keletin, joǵary bilimi bar jáne tıisti oblystyń aýmaǵynda turatyn Qazaqstan Respýblıkasynyń azamattary ákimdikke kandıdattar bola alady.

13. Ákimdikke kandıdattar usyný­dy aýdan (qala) ákimi jergilikti qoǵamdastyqpen konsýltasııalardan keıin balama negizde (ıaǵnı ákim laýazymyna keminde eki kandıdat) júzege asyrady.

14. Ákimdikke kandıdattardy usyný aýdandyq (qalalyq) saılaý komıssııasyna aýdan (qala) ákiminiń usynymyn jáne kandıdattardyń tıisti ákimshilik-aýmaqtyq birliktiń aýmaǵynda ákimdikke kandıdat retinde daýysqa túsýge kelisimi týraly ótinishterin berý arqyly júrgiziledi.

15. Kandıdattardy usyný saılaý kúnine otyz kún qalǵanda bastalady jáne jıyrma bes kún qalǵanda aıaqtalady.

16. Eger kandıdattardyń barlyǵy tirkelgenge deıin óz kandıdatýralaryn alyp tastaǵan nemese kandıdattardy tirkeý merzimi aıaqtalatyn kúnge ákimdikke eki kandıdattan kem tirkelgen jaǵdaıda, aýdandyq (qalalyq) saılaý komıssııa­sy kandıdattardy usyný men tirkeý merzimin uzartady, biraq ol on kúnnen aspaýǵa tıis.

17. Aýdandyq (qalalyq) saılaý komıssııasy kandıdattyń qoıylatyn talaptarǵa sáıkestigin anyqtaıdy, ol týraly tıisti hattama jasaıdy.

18. Kandıdat pen onyń zaıyby (jubaıy) tirkeýge deıin, turǵylyqty jeri boıynsha salyq organdaryna usyný merzimi bastalatyn aıdyń birinshi kúnine tabysy men múlki týraly deklarasııalardy tapsyrady.

19. Kandıdat pen onyń zaıyby (jubaıy) jarııalaǵan tabysy men múlki týraly málimetterdiń durystyǵyn salyq qyzmeti organdary deklarasııalardy alǵan kúnnen bastap jeti kúnniń ishinde tekseredi.

Bul rette kandıdat pen onyń zaıybynyń (jubaıynyń) tabysy men múlki týraly málimetterdi usyný týraly salyq qyzmeti organdarynyń talabyn alǵan uıymdar ony alǵan kúnnen bastap tórt kúnniń ishinde suratylyp otyrǵan aqparatty usynady.

Aýdandyq (qalalyq) saılaý komıs­sııa­synyń kandıdattar týraly málimetterdi usyný týraly talabyn alǵan ózge memlekettik organdar ony alǵan kúnnen bastap eki kúnniń ishinde suratylyp otyrǵan aqparatty usynady.

20. Kandıdattardy tirkeý mynadaı qujattar bolǵan kezde júzege asyrylady:

1) aýdan (qala) ákiminiń Qazaqstan Respýblıkasynyń aýdandyq mańyzy bar qalasy, aýyldyq okrýgi, aýyldyq okrýgtiń quramyna kirmeıtin kentteri men aýyldary ákimi laýazymyna tıisti kandıdattardy usyný týraly usynymy;

2) ákimdikke kandıdat retinde daýys­qa túsýge kelisetini týraly ótinishi;

3) ákimdikke kandıdat týraly ómirbaıandyq derekter;

4) kandıdattyń jeke basyn kýálandyratyn qujattyń kóshirmesi;

5) kandıdat pen onyń zaıybynyń (jubaıy­nyń) tabysy men múlki týraly deklarasııalar­dy tapsyrǵany týraly salyq organynyń anyqtamasy.

21. Kandıdattardy tirkeý týraly aýdandyq (qalalyq) saılaý komıssııasy hattama jasaıdy.

22. Aýdandyq (qalalyq) saılaý komıssııasy:

1) kandıdattardy tirkeý aıaqtal­ǵan­nan keıin jetinshi kúnnen keshik­tirmeı, jergilikti buqaralyq aq­parat quraldary arqyly nemese óz­ge tásilmen, árbir kandıdattyń tegin, atyn, ákesiniń atyn, týǵan jylyn, atqaratyn laýazymyn, jumys (kásibiniń) orny men turǵylyqty jerin, kandıdattyń qalaýyna qaraı onyń saıası partııaǵa qatystylyǵy men qaı ultqa jatatyny týraly máli­metterdi kórsete otyryp, olardyń tirkelgeni týraly habarlaıdy;

2) tirkeý kezinde kandıdattarǵa tıisti kýálik beredi;

3) mynadaı jaǵdaılarda:

kandıdatty usyný qaǵıdalary buzylǵan;

kandıdat laýazymdyq neme­se qyzmet jaǵdaıynyń artyqshy­lyqta­ryn paıdalanǵan;

kandıdattyń saılaý aldyndaǵy úgit júrgizý bastalǵanǵa deıin saılaý aldyndaǵy úgitti júrgizý faktileri anyqtalǵan;

sot tańdaýshylardy satyp alý faktilerin anyqtaǵan;

Qazaqstan Respýblıkasynyń sybaılas jemqorlyqqa qarsy kúres týraly zańnamasyna sáıkes kandıdattyń jáne onyń zaıybynyń (jubaıynyń) deklarasııany tapsyrý kezine deklarasııada kórsetken tabysy men múlki týraly málimetterdiń durys emestigi anyqtalǵan;

osy Qaǵıdalarda kózdelgen ózge de talaptar saqtalmaǵan jaǵdaıda, kandıdatty tirkeýden bas tartady nemese tirkeý týraly sheshimniń kúshin joıady.

23. Kandıdatty tirkeýden bas tartýǵa nemese ony tirkeýdiń kúshin joıýǵa qatysty kandıdat úsh kún merzimde joǵary turǵan aýmaqtyq saılaý komıssııasyna nemese sotqa shaǵym jasaı alady.

24. Kandıdattardy tirkeý daýys berý kúnine on bes kún qalǵanda aıaqtalady.

25. Kandıdat tirkelgenge deıingi kezeńde jáne daýys berýge eki kún qalǵanda aýdandyq (qalalyq) saılaý komıssııasyna bul týraly jazbasha ótinish bere otyryp, óz kandıdatýrasyn alyp tastaı alady.

Bul jaǵdaılarda tıisti aýdandyq (qalalyq) saılaý komıssııasy kandıdatty tirkemeıdi ne kandıdatty tirkeý týraly sheshimniń kúshin joıady jáne qabyldanǵan sheshim týraly aýdan (qala) ákimine habarlaıdy.

26. Tirkeý merzimi aıaqtalǵannan keıin kandı­dattardyń barlyǵy shyǵyp qalǵan jaǵdaıda, saılaý merzimin uzartý týraly máseleni aýdandyq (qalalyq) saılaý komıssııasy sheshedi.

27. Daýys beretin kúnge eki kún qalǵanda kandıdatty tirkeý týraly sheshimniń kúshin joıýǵa nemese buǵan deıin tirkeýden shyǵarylǵan kandıdatty qalpyna keltirýge jol berilmeıdi.

 

4. Saılaý aldyndaǵy úgit jáne saılaýdy qarjylandyrý

28. Saılaý aldyndaǵy úgit osy Qaǵıdalardyń 24-tarmaǵyna sáıkes tirkeý aıaqtalǵan kúnnen bas­talady jáne saılaý bolatyn kúnniń aldyndaǵy kúngi jergilikti ýaqyt boıynsha nól saǵatta aıaqtalady.

29. Saılaý aldyndaǵy úgit:

1) Qazaqstan Respýblıkasynyń zańnamasyna sáıkes saılaý aldyndaǵy jarııa is-sharalardy (saılaý aldyndaǵy jınalystardy jáne tańdaý­shylarmen kezdesýlerdi) ótkizý jolymen;

2) baspa jáne ózge de úgit materıaldaryn shy­ǵarý jáne (nemese) taratý jolymen júzege asyrylady.

30. Memlekettik organdarǵa, sondaı-aq qyzmettik mindetterin oryndaý kezinde olar­dyń laýazymdy adamdaryna, saılaý komıssııalarynyń múshelerine, dinı birles­tikterge saılaý aldyndaǵy úgitti júrgizýge, kez kelgen saılaý aldyndaǵy úgit materıaldaryn taratýǵa tyıym salynady.

Saılaý naýqany úshin arnaıy ázirlengen bas­pa materıaldaryn, onyń ishinde bezendirilgen materıaldardy, sondaı-aq omyraýǵa taǵatyn belgilerdi, jalaýlar men jalaýshalardy tegin taratýdy qospaǵanda, tańdaýshylarǵa tegin taýarlar, baǵaly qaǵazdar berip, qyzmetter kórsetý, sondaı-aq aqsha tóleý arqyly saılaý aldyndaǵy úgitti júrgizýge tyıym salynady.

31. Kandıdattar úgit júrgizýge jáne óziniń saılaý aldyndaǵy baǵdarlamasyn nasıhattaýǵa quqyly.

32. Kandıdattardyń ózderine saılaý naýqanyn júrgizýge kómektesetin, saılaý aldyndaǵy úgitti júrgizetin, memlekettik organdarmen jáne basqa da uıymdarmen, qoǵamdyq birlestiktermen, saılaý komıssııalarymen qarym-qatynasta kandıdattardyń múddelerin bildiretin, sany beseýden aspaıtyn senim bildirgen adamdary bolýyna quqyly.

33. Kandıdattar senim bildirgen adamdaryn óz qalaýy boıynsha aıqyndaıdy jáne tirkeý úshin aýdandyq (qalalyq) saılaý komıssııasyna olar týraly habarlaıdy.

34. Aýdandyq (qalalyq) saılaý komıssııasy senim bildirgen adamdardy tirkegennen keıin olarǵa tıisti kýálikter beredi.

35. Senim bildirgen adam Qazaqstan Respýb­lıkasynyń azamaty bolýǵa tıis, ol máslıhat depýtaty, qandaı da bir saılaý komıssııasynyń múshesi, memlekettik saıası qyzmetshi laýazymyndaǵy adam bolmaýǵa tıis.

36. Senim bildirgen adamdar ózderine kandıdat bergen ókilettikter sheginde áreket etedi.

37. Senim bildirgen adamdar saılaý naýqany aıaqtalǵannan keıin nemese óz uıǵarymymen ne kandıdattyń sheshimimen óz mártebesinen aıyrylady.

38. Saılaý bolatyn kúni jáne onyń qarsańyn­daǵy kúni kez kelgen saılaý aldyndaǵy úgitke tyıym salynady.

39. Daýys berý pýnktterinen tys jerlerde burynnan ilýli turǵan baspa úgit materıaldaryn sol oryndarynda qaldyrýǵa bolady.

40. Qazaqstan Respýblıkasynyń aýdandyq mańyzy bar qalalary, aýyldyq okrýgteri, aýyl­dyq okrýgtiń quramyna kirmeıtin kent­te­ri men aýyldary ákimderiniń saılaýy Qazaq­stan Respýblıkasynyń zańnamasyna sáı­kes qarjylandyrylady. Bıýdjet qarajatyn jumsaýdy aýmaqtyq saılaý komıssııalary júzege asyrady.

Memlekettik bıýdjet qarajatynan Qazaqstan Respýblıkasynyń zańnamasynda belgilengen tártippen:

1) saılaý komıssııalaryn uıymdastyrýǵa jáne qyzmetine:

saılaý komıssııalarynyń bosatylǵan músheleriniń jalaqysy;

jalaqyǵa ústemeaqy;

tehnıkalyq qamtamasyz etý (kompıýterler, uıymdastyrý tehnıkasyn satyp alýǵa, jab­dyqtardy jalǵa alý jáne jabdyqtarǵa tehnıkalyq qyzmet kórsetý, sondaı-aq daýys berýge arnalǵan qural-jabdyqtardy satyp alý jáne jasaý);

kólik shyǵystary;

buqaralyq aqparat quraldarynda jarııalaý;

baılanys qyzmetterine, pochta-telegraf shyǵystary;

polıgrafııalyq shyǵystar;

keńse jáne sharýashylyq taýarlaryn, urandar, plakattar, memlekettik rámizder úshin materıaldar satyp alý;

2) úı-jaılardy jalǵa alýǵa;

3) issapar shyǵystaryna;

4) kandıdattardyń saılaý aldyndaǵy jarııa is-sharalaryn ótkizýge jáne kandıdattardyń úgit baspa materıaldaryn shyǵarýǵa;

5) kandıdattardyń kólik shyǵystaryna;

6) saılaý komıssııasynyń úı-jaıy men daýys berý pýnktinde ornalastyrylatyn ákimdikke kandıdattar týraly aqparattyq plakattardy daıyndaýǵa arnalǵan shyǵystary jabylady.

Qazaqstan Respýblıkasynyń aýdandyq mańyzy bar qalalary, aýyldyq okrýgteri, aýyldyq okrýgtiń quramyna kirmeıtin kentteri men aýyldary ákimdigine kandıdattarǵa saılaýdy uıymdastyrý men ótkizýge bólinetin qarajat mólsherin tıisti oblystyq saılaý komıssııasy aıqyndaıdy.

41. Ákimderdiń saılaýynda kandıdattardyń saılaý aldyndaǵy úgiti osy Qaǵıdalarda belgi­lengen tártippen qurylatyn saılaý qorlarynyń qarajatynan qarjylandyrylýy múmkin.

42. Ákimdikke kandıdattyń saılaý qory:

1) jalpy somasy zańnamamen belgilengen eń tómengi jalaqynyń jıyrma bes ese mólsherinen aspaýǵa tıis kandıdattyń jeke qarajatynan;

2) jalpy somasy zańnamamen belgilengen eń tómengi jalaqynyń elý ese mólsherinen aspaýǵa tıis Qazaqstan Respýblıkasy azamattary men uıymdarynyń erikti qaıyrmaldyqtarynan quralady.

43. Saılaý qoryn quraıtyn aqsha qarajaty tıisti aýdandyq (qalalyq) saılaý komıssııasy bank mekemelerinde ashatyn arnaýly ýaqytsha shotqa túsiriledi. Atalǵan shot boıynsha kiris eseptelmeıdi jáne tólenbeıdi. Saılaý qorynyń qarajatyna ıelik etý quqyǵy tek kandıdatqa ǵana tıesili.

44. Saılaý qorytyndylary anyqtalǵannan keıin bes kúnnen keshiktirmeı, kandıdat óziniń saılaý qorynyń qarajatyn paıdalanǵany týraly aýdandyq (qalalyq) saılaý komıssııasyna esep usynýǵa mindetti.

 

5. Ákimderdi saılaý

45. Qazaqstan Respýblıkasynyń aýdandyq mańyzy bar qalalary, aýyldyq okrýgteri, aýyldyq okrýgtiń quramyna kirmeıtin kentteri men aýyldary ákimderiniń saılaýyn Qazaqstan Respýblıkasynyń tıisti aýdandyq (qalalyq) saılaý komıssııasy ákimniń ókilettik merziminiń aıaqtalýyna keminde qyryq bes kún qalǵanda taǵaıyndaıdy. Ákimniń ókilettigi merziminen buryn toqtatylǵan jaǵdaıda, ókilettigi merziminen buryn toqtatylǵan kúnnen bastap eki aı ishinde saılaý ótkiziledi.

46. Ákimderdiń saılaýynda daýys berý jáne saılaý qorytyndylaryn anyqtaý «Qazaqstan Respýblıkasyndaǵy saılaý týraly» 1995 jylǵy 28 qyrkúıektegi Qazaqstan Respýblıkasynyń Konstıtýsııalyq zańynda belgilengen saılaý rásimderine sáıkes júzege asyrylady.

47. Ákimdi saılaý tıisti aýdan (qala) máslıhaty depýtattary-tańdaýshylar otyrysynda ótkiziledi.

48. Tańdaýshylardyń tizimderin aýdandyq (qalalyq) saılaý komıssııalary tıisti máslıhat hatshysynyń usynýy boıynsha jasaıdy jáne daýys berý pýnktinde iledi.

49. Eger tańdaýshylardyń otyrysyna tıisti aýdan (qala) máslıhaty depýtattarynyń keminde úshten ekisi qatyssa, ol zańdy bolady.

50. Tańdaýshylardyń otyrysynda aýdandyq (qalalyq) máslıhattyń hatshysy tóraǵalyq etýshi bolyp tabylady.

Tańdaýshylar otyrysynyń ótkizilý faktisin kýálandyratyn qujat máslıhat hatshysynyń aýdandyq (qalalyq) saılaý komıssııasyna usynatyn otyrys hattamasy bolyp tabylady.

51. Tańdaýshylardyń otyrysyna tıisti aýdandyq (qalalyq) saılaý komıssııasynyń tóraǵasy men músheleri qatysady.

52. Tańdaýshylardyń otyrysy ótkiziletin úı-jaıda aýdandyq (qalalyq) saılaý komıssııasy ákimderdi saılaý boıynsha daýys berý pýnktin uıymdastyrady.

53. Aýdandyq (qalalyq) saılaý komıssııa­sy daýys berý nátıjeleri boıynsha saılaý nátıjeleri týraly hattama jasaıdy.

54. Otyrys aýdandyq (qalalyq) saılaý komıssııasynyń tóraǵasy ákimderdi saılaý boıynsha daýys berý nátıjelerin jarııa etkennen keıin jabylady.

55. Eger saılaý jaramsyz dep tanylsa ne eki kandıdat daýysqa túsken kezde olar saılanbasa, aýdandyq (qalalyq) saılaý komıssııasy qaıta saılaý ótkizý týraly sheshim qabyldaıdy.

56. Qaıta saılaý bastapqy saılaýdan keıin eki aı merzimnen keshiktirilmeı ótkiziledi. Qaıta saılaý ótkizý kezinde júzege asyrylýy kózdelgen saılaý is-sharalary «Qazaqstan Respýblıkasyndaǵy saılaý týraly» 1995 jylǵy 28 qyrkúıektegi Qazaqstan Respýblıkasynyń Konstıtýsııalyq zańyna jáne osy Qaǵıdalarǵa sáıkes ótkiziledi.

Qaıta saılaý ótkizý týraly jergilikti buqaralyq aqparat quraldarynda habarlanady.

 

6. Ákimderdi tirkeý jáne

olardyń qyzmetke kirisýi

57. Aýdandyq (qalalyq) saılaý komıssııasy saılaý ótkizilgen kúnnen bastap bes kún merzimde saılanǵan ákimdi tirkeıdi. Aýdandyq (qalalyq) saılaý komıssııasynyń saılanǵan ákimdi tirkeý týraly sheshimi aýdan (qala) ákimine jáne tıisti máslıhatqa usynylady.

58. Ákim laýazymyna ornalasý arnaıy tekseristiń oń nátıjelerin alǵannan keıin júzege asyrylady. Arnaıy tekseristiń nátıjelerin alǵanǵa deıin tulǵa ákimniń mindetterin ýaqytsha atqarady.

59. Aýdandyq (qalalyq) saılaý komıssııasy saılaý qorytyndylaryn jáne saılanǵan ákimniń tirkelgeni týraly habardy, onyń tegin, atyn, ákesiniń atyn, týǵan jylyn, atqaratyn laýazymyn, jumys (kásibiniń) ornyn jáne turǵylyqty jerin, ákimniń qalaýyna qaraı onyń saıası partııaǵa qatystylyǵy men qaı ultqa jatatyny týraly málimetterdi kórsete otyryp, jergilikti buqaralyq aqparat quraldarynda jarııalaıdy.

60. Aýdandyq (qalalyq) saılaý komıssııasy tańdaýshylardyń tizimderin jasaý qaǵıdalary, daýys berý jáne daýystardy sanaý, saılaý qorytyndylaryn anyqtaý tártibi buzylǵan, osy Qaǵıdalardy basqa da buzýshylyqtar oryn alǵan jaǵdaıda, eger bul is-áreketter tańdaýshylardyń erik bildirý nátıjelerin durys anyqtaýǵa múmkindik bermeıtin bolsa, ákimder saılaýyn jaramsyz dep tanýy múmkin.

 

7. Qazaqstan Respýblıkasynyń aýdandyq mańyzy bar qalalary, aýyldyq okrýgteri, aýyldyq okrýgtiń quramyna kirmeıtin kentteri men aýyldary ákimderiniń ókilettigin toqtatý jáne qyzmetten bosatý tártibi

61. Qazaqstan Respýblıkasynyń aýdandyq mańyzy bar qalalary, aýyldyq okrýgteri, aýyldyq okrýgtiń quramyna kirmeıtin kentteri men aýyldary ákimderin aýdandardyń (qalalardyń) ákimderi oblys ákimderiniń kelisimimen qyzmetinen bosatady.

62. Aýdan (qala) ákimi Qazaqstan Respýblıkasy aýdandyq mańyzy bar qalasynyń, aýyldyq okrýginiń, aýyldyq okrýgtiń quramyna kirmeıtin kenti men aýylynyń ákimi ókilettiginiń merziminen buryn toqtatylǵany týraly onyń ókilettigi toqtatylǵan kúnnen bastap úsh kún merzimde tıisti aýdandyq (qalalyq) saılaý komıssııasyna habarlaıdy.

 

8. Qorytyndy erejeler

63. Osy Qaǵıdalarmen rettelmegen máseleler «Qazaqstan Respýblıkasyndaǵy saılaý týraly» Qazaqstan Respýblıkasynyń 1995 jylǵy 28 qyrkúıektegi Konstıtýsııalyq zańyna sáıkes jáne Qazaqstan Respýblıkasy Ortalyq saılaý komıssııasynyń aktilerimen sheshiledi.

64. Qazaqstan Respýblıkasy aýdandyq mańyzy bar qalalarynyń, aýyldyq okrýgteriniń, aýyldyq okrýgtiń quramyna kirmeıtin kentteri men aýyldarynyń buryn taǵaıyndalǵan ákimderi jańadan saılanǵan ákim tirkelgen kúnnen bastap óz ókilettikterin toqtatady.