Mańǵystaý oblysynyń ákimi Serikbaı Trumov Horvatııanyń Qazaqstan Respýblıkasyndaǵy Tótenshe jáne О́kiletti Elshisi Refık Shabanovıch bastaǵan delegasııamen kezdesti. Bul jaıynda Mańǵystaý oblysy ákiminiń baspasóz qyzmeti habarlady.
Qazirgi tańda Qazaqstan eli Horvatııamen birlesip ekonomıkalyq salanyń barlyq baǵyttary boıynsha belsendi yntymaqtastyq júrgizýde. Mańǵystaý oblysynda horvat kapıtalynyń qatysýymen kóterme saýda salasy boıynsha «Antanır» JShS qyzmet etedi.
- О́lkemizdiń ekonomıkalyq, ınvestısııalyq, tranzıttik áleýetke ıe aımaq bolyp tabylatyny belgili. Mańǵystaý oblysynyń aýmaǵy arqyly Shyǵys Eýropany Ortalyq Azııamen jáne Soltústik Eýropany Parsy shyǵanaǵy elderimen qosatyn «TRASEKA» jáne «Soltústik – Ońtústik» halyqaralyq kólik dálizderi ótedi. Búgingi tańda óńirde munaı óndirý, munaı hımııasy, qurylys materıaldary, metallýrgııa jáne t.b. salalarynda óndiris júrgizetin iri sheteldik ınvestorlar tabysty jumys isteýde. Biz barlyq múddeli kásipkerlerge kómek kórsetýge daıynbyz jáne sizderdi ózara tıimdi yntymaqtastyqqa shaqyramyz. Búgingi kezdesý Mańǵystaý oblysy men Horvatııa arasyndaǵy yntymaqtastyqty odan ári jandandyrýdaǵy tetik bolady dep úmittenemin, dep atap ótti aımaq basshysy.
Ekijaqty kezdesý kezinde Mańǵystaý men Dalmaty (Horvatııa) oblystarynyń munaı jáne keme jasaý salasyndaǵy yntymaqtastyq múmkindikteri talqylandy. Sondaı-aq Horvatııanyń aımaqqa sheteldik ınvestısııalardy tartý týraly usynystary qaraldy.
Mańǵystaý oblysy