Býdapeshte ótip jatqan 23 jastaǵy balýandar arasyndaǵy álem chempıonatynda (U-23) Qazaqstannyń erkin kúres sheberi Iýsýp Batyrmurzaev qola medal úshin talasady.
125 kılo salmaq dárejesinde kúsh synasqan jerlesimiz óziniń alǵashqy básekesinde japonııalyq Taıkı Iаmomotodan (8:2) basym túskenimen, kelesi kezdesýde ırandyq Abbas Zareden (7:17) utyldy. Parsy balýany fınalǵa shyqqannan keıin Batyrmurzaev jubanysh saıysyna qatysý quqyǵyna ıe boldy. Bul básekede ol moldovalyq Samhan Jabyraılovty (14:4) aıqyn basymdyqpen utty. Endi Iýsýp grýzııalyq Sýrıko Ýrtashvılımen qola medal úshin beldesedi.
Al osy salmaqtyń bas júldesi úshin báseke reseılik Vıtalıı Goloev pen ırandyq Abbas Zare arasynda ótedi.