Jyl basynan beri elimizde 400 mlrd teńgeden astam qarajat elektrondy aqsha aýdarý júıeleri arqyly ótti. Ulttyq bank osylaı dep habarlady.
2019 jylǵy 9 aıda elektrondy aqsha júıeleriniń emıtentteri 436,4 mlrd teńge somaǵa elektrondy aqsha shyǵardy, bul ótken jylǵy kórsetkishten 13,5 %-ǵa joǵary.
– Qazaqstannyń elektrondy aqsha júıeleri arqyly 443,5 mlrd teńge somaǵa 117 mln tranzaksııa jasaldy. 2018 jylǵy osy kezeńmen salystyrǵanda júrgizilgen operasııa kólemi 25%-ǵa ósti. Bul kórsetkishke jeke tulǵalar arasyndaǵy aýdarym operasııalary, sondaı-aq zańdy tulǵalar men jeke kásipkerlerdiń taýar men qyzmetine aqy tóleý kiredi, – deıdi Ulttyq banktiń Tólem júıeleri departamentiniń dırektory Erlan Ashyqbekov.
Búgingi tańda el naryǵynda 22 elektrondy aqsha júıesi jumys isteıdi. Olardyń emıtentteri – 10 bank pen «Qazposhta» AQ. Bıyl 5 jańa elektrondy aqsha júıesi iske qosylǵanyn aıta keteıik. Olar «Senim», «AlmaPay», «Onay Pay», «One Click» jáne «Qazevromobaıl». Elimizde elektrondy aqsha negizinen ınternet-kommersııada, kommýnaldyq qyzmetterdi tóleýge, uıaly baılanysqa, nesıe óteýge jáne taǵy basqa qyzmetterge qoldanylady.