Osydan bir jyl buryn Úkimettiń Qaýlysymen bekitilgen «Nátıjeli jumyspen qamtýdy jáne jappaı kásipkerlikti damytýdyń 2017 – 2021 jyldarǵa arnalǵan «Eńbek» baǵdarlamasynyń oryndalý barysy Soltústik Qazaqstan oblysy ákimdiginiń otyrysynda talqylandy.
Jobaǵa bir jylda 17,5 myń soltústikqazaqstandyq qatysypty. Sonyń ishinde 14 myń adam jumyspen qamtylǵan. Al 9 myńy turaqty jumysqa ornalastyrylǵan. Qazir kásipkerlikke 2 myńnan asa adam oqyp jatyr. Osynyń nátıjesinde óńirde jeke kásipkerlerdiń úlesi artyp, qazir olardyń sany 3200 adamǵa kóbeıipti.
Degenmen, keıbir aýdandarda jumysqa turǵyzý jáne baǵdarlamany oryndaý qarqyny tómen. Munyń sebebi jergilikti jerlerdegi jumystardyń tıimdi júrgizilmeýinde, dep atap ótti oblys ákimi Qumar Aqsaqalov.
«О́z ózin qamtamasyz etkenderdi azaıtý, jańa jumys oryndaryn ashý jáne bıznesti damytý – bizdiń basty maqsattarymyzdyń biri. Bıyl jeke kásipkerler kóbeıdi. Olardyń sany úsh myńnan artyq adamǵa artqanynan osynsha adamnyń nesıe alyp, ózderiniń jeke isterin ashqanyn kóremiz. Sóıtip olar ózin-ózi qamtamasyz etýshiler qatarynan ketti degen sóz. Osy jumysty biz únemi nazarda ustaýymyz kerek. О́zderiniń bıznesin ashýǵa azamattarǵa barlyq jaǵdaıdy jasaýymyz qajet», dedi oblys ákimi.
Soltústik Qazaqstan oblysy