Syrtqy ister mınıstrliginde «Syrtqy saıası zertteýler ınstıtýty» AQ Dırektorlar keńesiniń birinshi otyrysy ótti.
Otyrysty ashqan Syrtqy ister mınıstri Muhtar Tileýberdi Dırektorlar keńesiniń múshelerin saılanýymen quttyqtap, otyrysqa qatysýshylardy Syrtqy saıası zertteýler ınstıtýtynyń maqsattarymen jáne mindetterimen tanystyrdy, jemisti jumys tiledi.
Dırektorlar keńesiniń otyrysyna Qazaqstan Respýblıkasy Prezıdentiniń keńesshisi Máýlen Áshimbaev tóraǵalyq etti.
Instıtýttyń negizgi mindeti - Qazaqstan Respýblıkasy syrtqy saıasatynyń basym baǵyttaryn iske asyrý boıynsha praktıkalyq usynymdar ázirleý, álemdik saıasat pen ekonomıkada, ulttyq jáne halyqaralyq qaýipsizdik salasynda ózekti trendterdi anyqtaý.