Halyqaralyq konkıshiler odaǵy (ISU) óz qaramaǵyndaǵy sport túrlerinen jyl úzdikterin anyqtaýdy jalǵastyryp jatyr. Kezek mánerlep syrǵanaýǵa jetti. Aldaǵy 8 kún ishinde jankúıerler «Úzdik kostıým», «Úzdik jarqyn baǵdarlama», «Úzdik horeograf», «Úzdik bapker» nomınasııasyndaǵy úmitkerlerge daýys bere alady, dep jazady Egemen.kz.
Mánerlep syrǵanaýdan ulttyq qurama sportshysy, XXV qysqy Olımpıada chempıony Mıhaıl Shaıdorov «Úzdik kostıým» atalymynda úmitkerler arasynda bar. Onyń 2025-2026 jylǵy maýsymdaǵy erkin baǵdarlamaǵa arnalǵan kıimi kópshilik pen sarapshylardyń nazaryn aýdardy.
Týrızm jáne sport mınıstrliginiń málimetinshe, kostıým dızaınyn otandastarymyz Sáken Jaqsybaev pen Aqmaral Jarasqyzy ázirlegen.
Jalpy bul nomınasııada sán, stıl, izdenis pen túpnusqa obraz úılesim tapqan 16 kandıdat iriktelgen. Bul qatarda jekeleı, juptyq jáne yrǵaqty bı baǵdarlamasynyń ókilderi bar.
Mıhaıl Shaıdorov: Men Olımpıada altynymen shektelmeımin
Daýys berý ISU platformasynda júrip jatyr.
Jankúıerler qatysatyn 1-kezeń 18 naýryz Astana ýaqytymen saǵat 17:00-de aıaqtalady. Ár nomınasııa boıynsha úsh úmitkerden turatyn qysqa tizim (shortlist) shyǵady. Túpkilikti jeńimpazdardy mánerlep syrǵanaý salasynyń bedeldi sarapshylarynan quralǵan qazylar alqasy tańdaıdy.
Olımpıada chempıony Mıhaıl Shaıdorovqa úsh bólmeli páter syıǵa tartyldy
Sonymen qatar «Úzdik jańa esim» jáne «Jyl tulǵasy (tulǵalary)» marapatynyń ıegerleri saltanatty marapattaý rásimi kezinde jarııalanady.
Saltanatty marapattaý rásimi ISU Figure Skating Awards 2026 marapattaý rásimi Pragada ótetin mánerlep syrǵanaýdan álem chempıonaty aıaqtalǵan soń 29 naýryz kúni ótedi. Bul is-shara 2025-2026 jylǵy maýsymnyń qorytyndysy bolmaq.
Prezıdent Mıhaıl Shaıdorovty II dárejeli «Barys» ordenimen marapattady