Nur-Sultanda tuńǵysh respýblıkalyq STEM olımpıadasynyń qorytyndysy shyǵaryldy. Barlyǵy 4 nomınasııa boıynsha 36 jeńimpaz komanda anyqtaldy. Bul týraly elorda ákimdiginiń baspasóz qyzmeti habarlady.
Olımpıadany Nur-Sultan qalasynyń ákimdigi men «Astana Innovations» AQ uıymdastyrdy. Konkýrsqa elimizdiń túkpir-túkpirinen 500-den astam oqýshyny quraǵan 140 komanda qatysty.
«Innovasııalyq bilim olımpıadasy jyl saıyn ózindik rólin aıqyndaı túsedi. Al kelesi jyldan bastap halyqaralyq konkýrsqa aınalady», deıdi «Astana Innovations» AQ basqarma tóraǵasy Arystan Qazjanov.
Bul is-shara ǵylymı jáne tehnıkalyq bilimniń damýyna zor áser etedi. Barlyǵy 4 nomınasııa boıynsha 36 jeńimpaz komanda aıqyndaldy: 3D úlgileý, ınjenerlik matematıka, baǵdarlamalaý jáne jobalyq robototehnıka.
Elordalyq №38 jáne №73 mektepteri, sondaı-aq Daryn MMI (Qaraǵandy qalasy) eń kóp nomınasııalarǵa ıe boldy.
Jeńimpazdar 3D prınter, noýtbýk, dron, robototehnıka jıyntyqtary, saýyqtyrý lagerine joldama sekildi túrli júldelerge ıe boldy.
Aıta keteıik, STEM – tehnıkalyq bilim berý salasyndaǵy sońǵy jetistikterdi qamtyǵan ınnovasııalyq olımpıada. Qazaqstanda STEM zerthanalary byltyrdan bastap ashyla bastady. Olardyń alǵashqysy elordadaǵy №41 mektepke ornatyldy. Al búginde elimizde 90-nan astam STEM zerthana jumys istep tur.