Zerendi aýdanynyń shaǵalaly joǵary agrotehnıkalyq kolledjinde «rýhanı jańǵyrý» baǵdarlamasy sheńberinde «Jastar agroforýmy 2019: Bolashaq – kásipqoılar úshin!» taqyrybynda óńirdegi kolledj bilim alýshylarynyń sleti ótti.
Atalmysh sharaǵa oblystyń 10 agrotehnıkalyq kolledjinde kásibı-tehnıkalyq bilim alyp jatqan 115 oqýshy qatysty. Oblystyq bilim basqarmasy basshysynyń orynbasary Valerıı Gamazov óz sózinde mamandar daıarlaýdyń mańyzdylyǵyna toqtalyp ótti.
Jastardyń shyǵarmashylyq jetistikteri «Qazaqstannyń aýyl sharýashylyǵy: tájirıbe, ınnovasııa, progress» kórmesinde keńinen kórinis tapty. Bir aıta keterligi, kórme joǵary estetıkalyq deńgeıde uıymdastyrylǵan eken. Jastar arasynda «Týǵan jer» baıqaýy ótkizilip, úmitkerlerdiń shyǵarmashylyq sheberlikteri synǵa tústi.
Negizgi taqyrypqa oraı jumysshy mamandyqtaryn keńinen nasıhattaý maqsatynda «Úzdik mehanık» baıqaýy uıymdastyryldy. Bilim alýshylar avtotraktodromda ózara saıysqa tústi. Bıznes josparlary men ǵylymı jobalaryn qorǵady. О́zderi ózekti dep tanyǵan máselelerdi qyzý talqylap, tájirıbe almasty. Agroforým búgingi jastardyń agrarlyq sektorǵa óz úlesterin qosýǵa daıyn ekendikterin kórsetti.