Ǵylym jáne joǵary bilim mınıstri Saıasat Nurbek AQSh-ta bilim alýǵa nıetti qazaqstandyq stýdentter sanynyń azaıǵanyn málimdedi. Onyń aıtýynsha, buǵan vızalyq shekteýler sebep bolyp otyr, dep habarlaıdy Egemen.kz.
Atap aıtqanda, «Bolashaq» baǵdarlamasymen irikteýden ótken stýdentterdiń shamamen 30 paıyzyna vıza berýden bas tartylady. Osyǵan baılanysty olardy basqa oqý oryndaryna nemese ózge elderge qaıta baǵyttaý sharalary júrgiziledi.
Mınıstrdiń sózinshe, bul jaǵdaı AQSh-qa qabyldanatyn stýdentter sanynyń qysqarýyna áser etip otyr.
Sonymen qatar Qazaqstanǵa sheteldik stýdentterdiń qyzyǵýshylyǵy artyp keledi. Ásirese Taıaý Shyǵys elderinen talapkerler belsendi túrde kelip, Cardiff University jáne Heriot-Watt University sııaqty sheteldik joǵary oqý oryndarynyń fılıaldaryna túsýde.
Sheteldik talapkerler úshin arnaıy studyin.kz portaly jumys isteıdi. Qazirgi tańda onda 24 agenttik kompanııa tirkelgen. Aldaǵy úsh jylda Qazaqstan 100 myńǵa jýyq sheteldik stýdentti qabyldaýdy josparlap otyr.
Mysyr vızasy qymbattady: Qazaqstan azamattary úshin jańa tarıf engizilmek
Aıta keteıik, «Bolashaq» – qazaqstandyq stýdentterdiń shetelde bilim alýyna múmkindik beretin memlekettik stıpendııalyq baǵdarlama.