Olardyń arasynda II Dúnıejúzilik soǵys múgedekteri men qatysýshylary sany 1 bolsa, 569 – jetim bala, al 3 477 – halyqtyń áleýmettik jaǵynan osal toptaryna jatatyn azamattar. Sondaı-aq 21-i jalǵyz turǵyn úıi avarııalyq jaǵdaıda dep tanylǵan azamattar bolsa, 5 564-i memlekettik qyzmetshiler, bıýdjettik uıymdardyń qyzmetkerleri jáne t.b.
Halyqtyń áleýmettik jaǵynan osal toptaryna jatatyn azamattar qatarynda kóp balaly otbasylar men tolyq emes otbasylar, múgedek bala tárbıeleýshi otbasy men zeınetkerler, 1 jáne 2-top múgedekter, UOS ardagerleri men múgedekterine teńestirilgen azamattar, oralmandar bar.
Onyń ishinen 477 kóp balaly otbasy, 1398 tolyq emes otbasy, 581 múgedek balasy bar otbasy – barlyǵy 2456 otbasy «Baqytty otbasy» baǵdarlamasyna qatysýyna bolatyn sanattarǵa laıyqty bolyp tanyldy.
- Baǵdarlamanyń talaptaryna sáıkes, turǵyn úı alýǵa úmitker otbasynyń, satyp alýǵa tilek bildirgen úıiniń aldyn ala turǵyn úı qaryzdary boıynsha qaryz somasynyń 10%-nan kem emes mólsherde (bastapqy quny retinde) salý kerek ekeni, el aýmaǵynda turǵyn úıiniń bolmaýy, sońǵy 6 aıdaǵy ortasha tabysynyń bolýy, kerek ekeni aıqyndalǵan.
Kóp balaly analarǵa turǵyn úı máselesin sheshý maqsatynda respýblıka bıýdjetinen 1,695 mlrd teńge bólindi. Osy maqsatta jobamen 205 páter memlekettik satyp alý arqyly 2018-2019 jyldary berilgen turǵyn úıden qarastyrylatyn bolady. Qujattar konkýrsqa oblystyq Memlekettik satyp alý basqarmasyna joldanady, - dedi О́ńirlik kommýnıkasııalar qyzmetinde ótken brıfıngte Aqtaý qalasynyń ákimi Ǵ.Nııazov.
Mańǵystaý oblysy