Álemdik ekonomıka jáne saıasat ınstıtýtynyń dırektory (ÁESI): «Eýrazııada geosaıası qarama-qaıshylyqtyń kúsheıýi baıqalǵandyqtan, yntymaqtastyq pen kelisimdi retteıtin jańa ıdeıalarǵa suranys týyndaıdy. Osy rette «Astana klýby» Úlken Eýrazııadaǵy qaýipsizdik pen yntymaqtastyq máselelerin sheshýdegi qazaqstandyq kózqarasty alǵa tartýda mańyzdy ról atqarady.
«Jylsaıynǵy reıtıng ázirleý kezinde biz onyń ǵylymı-zertteý máni men qoldanbaly áleýetin tereńdetýge úlken nazar aýdaramyz. Bıyl bizben birge jobany daıyndaýǵa halyqaralyq saraptama ortalyqtarynyń jetekshileri men bedeldi saıasatkerler jáne dıplomattardy qosqanda álemniń 40 sarapshysy qatysty. Biz sondaı-aq máselelerge jeke kózqarastaryn bildirgen suhbatkerlerdiń de aýqymyn keńeıttik. Byltyr 60 elden 1000-ǵa tarta azamattardy qatystyrsaq, bıyl 70 elden 1 100 adamdy tarttyq. Iаǵnı, irikteme aıasy óte keń», dedi baspasóz konferensııasy kezinde Erjan Saltybaev.
Budan bólek, qaýip-qaterler men syn-tegeýrinder reıtıngine Eýrazııadaǵy «sóngen» qarýly qaqtyǵys oshaqtarynyń qaıta bas kóterýi, separatızm men etnostyq-dinı shıelenisterdiń óristeýi, ekologııalyq jáne sý problemalarynyń ýshyǵýy, kıbershabýyldardyń kúsheıýi jáne evolıýsııalanýy, jahandyq qarý jarysynyń jańadan órshýi, iri ıadrolyq jáne tehnogendik apattar qaýpi kirip otyr. «Eýrazııadaǵy barlyq prosesterdiń dál ortasynda turǵan Qazaqstan úshin qurlyqtaǵy elderdiń qazirgi qaıshylyqtardyń beıbit jáne ymyraly sheshimderin tabýy óte mańyzdy. Sondyqtan Eýrazııadaǵy jetekshi kúsh ortalyqtary arasynda tıimdi dıalog ornatý Qazaqstannyń syrtqy saıasatynyń asa mańyzdy bir mindeti sanalady. Osy turǵydan alǵanda biz ázirlegen táýekelder reıtıngi osy dıalogtyń nysanyna aınalýǵa tıis túıtkildi problemalardy aıqyndaýǵa arnalǵan», dedi E.Saltybaev.