Mundaı faktiler Qyzyljar aýdanynda jıi oryn alǵan.
Shahovskoe aýylynda turatyn az qamtylǵan birqatar otbasylar qajetti qujattardy rásimdegenine qaramastan áli kúnge deıin ataýly áleýmettik kómekti almaǵan.
«6 bala tárbıelep otyrmyn Olardyń 5-eýi kishkentaı bolǵandyqtan, jumys isteýge múmkindigim joq. Kúıeýimniń jalaqysy mardymsyz. Shilde aıynda ótishimiz maquldanǵan. Alaıda, memleketten beriletin járdemaqy qolymyzǵa tolyq tıgen joq.Tek tamyz aıynda 20 myń teńge ǵana berildi. AÁK-tiń keshiktirilý sebebebin suraǵanymyzda bıýdjette qarjy tapshy degen jaýap aldyq», deıdi Gúlnar Janseıitova. Osy eldi mekenniń ózge de turǵyndary osyndaı tyǵyryqqa kezikken.
Qyzyljar aýdandyq ákimdigi mamandarynyń túsindirýinshe jyldyń basynda áleýmettik kómekke 128 otbasy júgingen. Al birinshi sáýirden bastap memlekettik qoldaýǵa úmit artqandardyń sany úsh esege deıin artqan. Iаǵnı, járdemaqyǵa muqtaj otbasylardyń qatary 379-ǵa jetken. Osy sebepti jergilikti qazynada qarajat jetispeýshiligi paıda bolǵan.
Aýdandyq jumyspen qamtý jáne áleýmettik baǵdarlamalar bólimi basshysynyń orynbasary Lázzat Qasenovanyń aıtýyna qaraǵanda qosymsha 60 mln. teńge bólýge ótinish berilgen. Sóıtip Ulttyq qordan 11 mln. baǵyttalyp, tamyz aıynyń bereshek ótelgen. Respýblıkalyq bıýdjetten qalǵan tıisti qarjy aýdarylsa, másele sheshiledi.
Aýdanda bastapqyda ataýly áleýmettik kómekti 400 otbasy alǵan. Alaıda, tekseristiń nátıjesinde 263 otbasy ǵana járdemaqyǵa muqtaj ekendigi anyqtalǵan.
Soltústik Qazaqstan oblysy