«Ulttyq aqparattyq tehnologııalar» AQ 12 qarashadan bastap elektrondy úkimettiń tólem shlıýzynda QR-kod arqyly tólem jasaýǵa bolady, dep habarlady Stan.kz.
Bul qyzmet halyqaralyq tólem júıesi Visa platformasynda júzege asyrylǵan. Jobany «Ulttyq aqparattyq tehnologııalar» AQ men Halyk Bank birlesip jasapty.
Tólem júıesiniń bul túrin qoldaný úshin elektrondy úkimet portalynda qyzmetke tapsyrys berip, tólem shlıýzynda «QR-code» HomeBank-ty tańdap, qurastyrylǵan kodty Homebank mobıldi qosymshasy arqyly skanerleýden ótkizseńiz bolǵany.
Eskere keterlik jaıt, elektrondy úkimettiń tólem shlıýzy arqyly tólem kartasymen, elektrondy ámııanmen, uıaly telefon balansymen jáne tapsyrys-shotymen qarjy operasııalaryn oryndaýǵa bolady.