Keshe fýtboldan Qazaqstan Premer-lıgasynyń 2020 jylǵy maýsymyna joldama beretin qosymsha oıynda «Taraz» ben «Aqjaıyq» komandalary kezdesip, jambyldyq fýtbolshylar 3:1 esebimen basym tústi.
Osylaısha «Taraz» komandasy kelesi jyly el chempıonatynda baq synaıtyn boldy. Bıylǵy birinshilikte 10-oryn ıelengen «Taraz» komandasy joǵary lıgada qalý úshin Birinshi lıgada 3-oryn alǵan Oraldyń «Aqjaıyq» klýbymen qosymsha oıyn ótkizýi kerek bolǵan.
Eki oıynnan turatyn matchtyń birinshi oıyny Oralda 0:0 esebimen aıaqtalǵan-dy. Keshe ótken qarymta kezdesýde «Taraz» óz alańynda 3:1 esebimen jeńiske jetip, kelesi jyly premer-lıgada óner kórsetýge múmkindik aldy.