Elordamyzdaǵy «Han Shatyr» saýda, oıyn-saýyq ortalyǵynda 4 mekteptiń oqýshylaryn biriktiretin Master art jobasynyń tusaýy kesildi.
№43, 38, 57, 64 orta mektepteriniń muǵalimderi men oqýshylary qolǵa alǵan joba «Rýhanı jańǵyrý» baǵdarlamasynyń aıasynda uıymdastyrylyp otyr. Jobanyń negizgi maqsaty – halqymyzdyń tarıhı-mádenı murasyn mektep oqýshylaryna, ásirese bastaýysh synyptaǵy balalar arasynda nasıhattaý.
Joba uıymdastyrýshylary Dınara Súleımenova, Kúlásh Sattybaeva, Aıgúl Saǵıtova, Gúlshat Tólegenniń aıtýynsha, rýhanı qundylyqtardy dáripteý de negizgi maqsattarynyń biri. «Joba bir jyl boıy jalǵasady. Sýretshiler odaǵy, dızaınerler, músinshiler men fotograftardyń qoldaý kórsetýi josparlanǵan. Joba aıasynda túrli sheberlik sabaqtary, túrli mamandyq ıelerimen kezdesýler ótkiziledi. Balalarǵa mádenıet pen tarıhymyzdy túsindirý úshin tórt mekteptiń qyzmetkerleri birigip otyrmyz», deıdi ustazdar.