12-14 jeltoqsan aralyǵynda Qytaıdyń Sındao qalasynda dzıýdodan jyldyń qorytyndy jarysy – «Masters» týrnıriniń jalaýy jelbireıdi.
Bul bedeli óte zor báseke. Olaı deýge negiz, dáp qazirgi kezde dúnıejúzilik reıtıngte ár salmaq dárejesi boıynsha alǵashqy 16 oryndy ıelenip otyrǵan balýan ǵana aıtýly dodaǵa qatysa alady. Olardan bólek, jarys qojaıyndary retinde Qytaı tolyq quramda óner kórsetedi. Jáne de Olımpııa oıyndarynyń joldamasyna ıelik etý úshin taratylatyn upaı qory da mol. Máselen, bas júldeni oljalaǵan balýanǵa 1800 upaı berilse, kúmis jáne qola júldegerler 1260 jáne 900 upaıdan oljalaıdy. Sondyqtan da «Masterske» qatysqan ár dzıýdoshy barynsha tabysty óner kórsetý úshin baryn salatyny anyq.
Qazirgi kezde bizdiń balýandar Almaty qalasynyń irgesindegi Baıterek aýyly mańynda ornalasqan olımpıadalyq bazada daıarlanýda. Jigitterdiń kóńil-kúıleri jaqsy. Barlyǵy da «Masters» týrnırin mańyzdylyǵyn jaqsy túsinedi. Sol sebepti de jerlesterimiz tatamıde esh aıanyp qalmaıdy, deıdi Qazaqstan ulttyq quramasynyń bas bapkeri Aıdyn Smaǵulov.